Umunya-Poltugal ukinira ikipe ya Al-Nassr yo muri Arabiya Sawudite, Cristiano Ronaldo, akomeje gutigisa imbuga zitandukanye nyuma y’uko akoze umuyoboro wa ‘YouTube’ ukuzuza abawukurikira [Subscribers] miliyoni ebyiri mu masaha atarenze atatu gusa. https://imirasiretv.com/gereza-imaze-gupfiramo-imfungwa-56-mu-mezi-umunani-gusa-yumvikanyemo-inkuru-ikomeje-gutera-urujijo-yateye-ibi-byose/

Ibinyamakuru bitandukanye bikora inkuru z’imikino bikomeje kwandika ko Cristiano Ronaldo ukurikirwa cyane ku mbuga nkoranyambaga dore ko ku mbuga zose afite abamukurikira barenga miliyoni 917, aciye agahigo ko kugira ‘YouTube Channel’ igize abayikurikira benshi mu gihe gito, kuko nyuma y’isaha imwe n’iminota mirongo itatu gusa (1h:30min), yari yujuje Aba-Subscribers barenga miliyoni imwe [1M Subscribers].

Gusa iyi mibare ikomeje kwiyongera cyane bijyanye no kuba uyu mugabo ari umwe mu bakunzwe cyane ku Isi nk’uko bigaragara ku mbuga nkoranyambanga, aho nko ku rubuga rwa Instagram akurikirwa n’abarenga miliyoni 636. Abamukurikira kuri ‘YouTube’ bakomeje kwiyongera kuko mu gihe kitarenze amasaha atatu gusa yari yamaze kuzuza Aba-Subscribers barenga miliyoni ebyiri [2M Subscribers]. https://imirasiretv.com/gereza-imaze-gupfiramo-imfungwa-56-mu-mezi-umunani-gusa-yumvikanyemo-inkuru-ikomeje-gutera-urujijo-yateye-ibi-byose/