Dukuzimana Ignace Kuri uyu wa 31 werurwe 2023 nibwo umuhanzi Danny vumbi yamurikiye abakunzi b’umuziki we album nshya yise 365, akaba ari igitaramo cyabereye mu kabari ke gaherereye I Nyamirambo, nubwo hatari hari abantu benshi nk’uko yabiteguye ariko abaje bamugaragarije urukundo rwinshi no kunyurwa kubw’iyi Album.
Iki gitaramo cyabanjirijwe n’icyo Danny vumbi aherutse gukorera mu mugi wa Musanze kikakirwa neza, ndetse akaba afite n’ikindi gitaramo kuri uyu wa 1 mata 2023 mu ijoro kibera mu karere ka Rusizi. Muri iki gitaramo Danny yari kumwe n’umuraperi Karigombe wasusurukije abari bitabiriye.
Muri iki gitaramo kandi Danny yaririmbye indirimbo nshya ndetse n’izari zisanzwe zizwi kandi zakunzwe. Uyu muhanzi yatangiye kuzenguruka uturere asangiza abakunzi be iyi album ye nshya guhera kuwa 10 gashyantare aho yahereye mu karere ka Muzanze nyine. 
Dukuzimana Ignace 