Dukuzimana Ignace Dj Sonia ni umwe mu bakobwa bamaze kugwiza igikundiro mu bakunda kuryoherwa n’umuziki w’aba-Dj hano mu Rwanda ndetse n’ahandi bamuzi. Uyu mukobwa yateranye amagambo n’umusore witwa Rulinda wanditse amusebya uburyo yabyayemo umwana we.
Uwo musore yanditse kuri twitter apostinga ifoto ya Dj Sonia arenzaho amagambo avuga ati “ ukuntu wari mwiza iyo utabyara ikinyendaro.”
Mu mvugo igaragaza ko Sonia byamukozeho cyane yasubije uyu musore ariko mu buryo bugaragaramo kwiyoroshya agira ati “ Rulinda ushobora kuba uri guca mu bihe bikomeye gusa humura. Nakifuje ko icyo kinyendaro kiba wowe cyangwa se nawe bikakugirirwaho, uhitemo ibyo ushaka muri ibyo. N’undi munsi ushake irindi zina uzamukiraho.”
Uretse Dj Sonia n’abandi bose babonye ibyo uyu Rulinda yanditse bamugaye cyane, bamutegeka gusaba Sonia imbabazi cyangwa se niba ari umunyarwanda nyawe yihane kubyo yavuze kuko ntago bihesheje agaciro umuntu cyane cyane iryo zina yose umwana wa Sonia. Hari n’abagiye bakora tag y’ibigo byita ku burenganzira bwa muntu bagira ngo barebe ibyo uwo muntu yanditse bigaragaza ko bidashimishije.
Dj Sonia ubusanzwe yitwa Sonia Kayitesi, yavutse ku wa 11 Nzeri 1998. Yize muri Christian University of Rwanda mu Mujyi wa Kigali mu bijyanye n’ubucuruzi, Business Management. Yacuranze ahantu hatandukanye harimo White Club, akanacuranga mu bitaramo ngarukakwezi bikunze kuhategurirwa bizwi nka Silent Disco.
Yakoze muri Silent disco yabereye i Musanzwe kuri Noheli ya 2018 yari yateguwe na Descent Entertainment ya Muyoboke Alex, akorera i Huye mu kabari kitwa Upendi Pub, akora mu bitaramo byinshi bya Pool party birimo iby’i Musanze kuri Fatima Hotel, Kigali Sports View, yacuranze muri Tour du Rwanda After Party muri 2019 i Musanze ndetse n’ahandi hatandukanye hamugize icyamamare mu kuvanga imiziki.
Umunyamakuru Lucky Nzeyimana yakojejwe agati mu jisho kubera ibyo yakoreye ku imva ya Yvan Buravan.
Ukuntu warimwiza iyo utabyara ikinyendaro😭😭 pic.twitter.com/Y6jRBPz1Jo
— Rulindawirwanda (@Rulindawirwanda) January 22, 2023
Nta fame nkeneye kuri wowe ahubwo reka nkureke utanshumuza niviriye mumisa pic.twitter.com/DYfAS06OLG
— Rulindawirwanda (@Rulindawirwanda) January 22, 2023
Dukuzimana Ignace 