Turahirwa Moses amaze kumenywa na benshi kubera ibikorwa byitwa urukozasoni amaze iminsi ari gukorera ku mbuga nkoranyambaga, harimo gushyira hanze amafoto ye yambaye ubusa ndetse n’amashusho ari gukora imibonano mpuzabitsina n’abo bahuje ibitsina ubwo ni abagabo bagenzi be. Hamenyekanye impamvu nyamukuru yateye Moses Moshion gushyira hanze amashusho y’ubutinganyi bwe no gupfa kw’ubukwe bwe n’umugabo we Cedrick.

Mu masaha make ashize hatangiye gusakara amafoto ya Moshion ari ku kibuga mpuzamahanga I Kanombe bivugwa ko agarutse mu Rwanda nyuma y’ibyo byose byabaye mu minsi yashize, ndetse abanyarwanda batangira kongera kumuvugaho. Mu minsi yashize ubwo ibi byose byabaga abantu benshi bagaragaje ko badashimishijwe na gato n’ibikorwa bya Moses ari nabyo bijyanye n’ubundi n’ibitekerezo batanze nk’ibyifuzo kubyo yakorerwa akigera mu Rwanda.

Mu gitekerezo radiotv10 yanyujije ku rukuta rwabo rwa facebook bavuga ko Moses yagarutse mu Rwanda uwitwa Nkuriri yagize ati “ bahite bamufunga asobanure uburyo kwanda bisobanuye gutingana.” Patrick ati “nibamujyane I Mageragere.” Nzeyimana ati “ naze asobaure umuntu wiyahuje umusego n’ukuntu atukisha abagabo bose akanika ubusa bwe ku karubanda.”

Uwitwa maniriho yavuze ko umuntu nk’uyu aba akwiriye kwakirizwa inkoni n’amapingu, gusa hari n’abavuze ko yagakwiriye guhitira mu bitaro  by’I Ndera kubera ko Atari muzima mu mutwe, abandi bavuga ko RIB ishobora kuba ikoresha ikimenyane kubera ko yagakwiye kuba yatawe muri yombi nk’uko Mugabekazi Liliane byagenze.

Uwitwa Nduwimana Fiacre yavuze ko Moses nibaramuka batamufunze bizaba bigaragaza ko leta y’u Rwanda ishyigikira ubutinganyi, gusa hari uwamusubije avuga ko mu mategeko ahana y’u Rwanda iryo tegeko nta ririmo ariyo mpamvu ashobora kutagira icyo aba.

Mu butumwa Eric Semuhungu yanyujije kuri twitter yashimiye cyane Moses amubwira ko ari intwari kandi akaba ari kubatera ishema, ati “ Moshion ntewe ishema nawe, ikirere niryo garukiro, komeza udutere ishema.” Uyu Semuhungu nawe amaze kumenyekana mu kwamamaza ubutinganyi ndetse akaba agenda anatangaza amazina aha ibi bikorwa mu rwego rwo kugaragaza ko bitagayitse.

Mu gahinda kenshi Cecile Kayirebwa avuze ukuntu Yvan Buravan yamuhemukiye anaburira abatangaza amabanga yabo yo mu buriri.