Dukuzimana Ignace Ishimwe Dieudonne uzwi nka Prince kid wari usanzwe ahagarariye irushanwa rya miss Rwanda anayoboye Rwanda inspiration back up urukiko yajuririye umwanzuro urukiko rwari rwafashe wo kuba afunze iminsi 30 y’agateganyo muri gereza mu gihe akurikiranweho ibyaha. Ishimwe akurikiranweho ibyaha 2 harimo guhoza undi ku nkeke bishingiye ku mibonano mpuzabitsina, ndetse no gusaba cyangwa gukora ishimishamubiri rishingiye ku mibonano mpuzabitsina.
Umucamanze yavuze ko ibi byaha umuntu bihamye ahabwa igifungo kiri hejuru y’imyaka 2 muri gereza, gusa amategeko avuga ko umuntu wese ukatiwe igifungo cy’iminsi 30 aba yemerewe kukijuririra mu gihe kitarenze iminsi itanu. Ishimwe Dieudonne ariwe Prince kid yahise ajuririra iki gifungo, kuko kuwa 19 Gicurasi 2022 nibwo ubujurire bwe bwagejejwe ku rukiko rwisumbuye rwa Nyarugenge.
Prince kid n’abanyamategeko bafite cabinet yitwa Shebah law firm bajuririye umwanzuro w’umucamanza wa mbere bavuga ko hari ingingo umucamanza yirengagije maze agakatira prince kid gufungwa iminsi 30 muri gereza. Dore ingingo bagendeyeho bajurira.
1.urukiko rwemeje ko habayeho ishimishamubiri ku mukobwa bitari ngombwa kuvuga amazina ye, nyuma yo kumusezeranye ko bazamurihira amashuri Prince kid amaze kumushakira umwanya. Ruvuga ko uyu mukobwa yananiwe kugaragaza icyari gutuma amushinja kandi ntacyo bapfa. Ngo urukiko rwirengagije ko Ishimwe Dieudonne atariwe wari kugaragaza ko yakoze icyaha kuko izo ari inshingano z’ubushinjacyaha zo kugaragaza mu buryo budasubirwaho ko Prince kid yakoze icyaha.
2.urukiko rwagaragaje ko “Happiness” ari ishimishamubiri rugenekereje, abanyamategeko ba prince kid bo bavuga ko mu manza nshinjabyaha, nta kugenekereza kubaho aho.
3.urukiko rwemeje ko impapuro zashyizweho umukono n’abashinjura Prince kid ziteshwa agaciro kuko ubushinjacyaha bwagaragaje ko ziri gukorwaho iperereza. Aba bajurira bavuga ko urukiko rwirengagiza ko iyo inyandiko yashyizweho umukono na noteri iba kamarampaka, rwemeza ko Divine Muheto wabaye miss 2022 yakorewe ishimishamubiri.
4.urukiko rwemeje ko habayeho guhoza ku nkeke undi kuri Divine Muheto rugendeye kuri message.
5.kuba urukiko rwaremeje ko kuba Ishimwe Dieudonne yarahamagaye Muheto Divine mu masaha akuze ari ibishimangira ubutumwa bugufi Muheto yandikiwe na Ishimwe.
6.abavuga ko urukiko rwirengagije umutungo utimukanwa ndetse n’uwimukanwa byatanzwe na ishimwe Dieudonne kugira ngo arekurwe by’agateganyo akurikiranwe ari hanze, kandi ibyakozwe byose biri mu buryo umushingamategeko yabiteganije. Izi ngingo z’ubujurire nizo zizasobanurwa neza igihe Prince kid azaba ari kuburana ku ifungwa n’ifungurwa by’agateganyo.
Dukuzimana Ignace 