Urukiko rw’Ibanze rwa Gasabo rwategetse ko bane bakekwaho uruhare mu kwica umuntu bakoresheje uburozi, bafungwa iminsi 30 y’agateganyo kubera ko hari impamvu zikomeye zituma bakekwaho icyo cyaha. Isomwa ry’urubanza ryabaye kuri uyu wa Mbere tariki ya 13 Gashyantare 2023, aho Habyarimana Felicien, Manishimwe Jean Claude, Akimanizanye Immaculée bakurikiranyweho kuba ibyitso mu cyaha cyo kuroga bakoze tariki ya 9 Ukwakira 2022. Niyo Bosco atandukanye na Sunday entertainment hadaciye kangahe basinyanye amasezerano.

Ubushinjacyaha kandi bugaragaza ko Mazimpaka Patrick akurikiranyweho icyaha cyo kuroga yakoreye Mukantagara Euphrasie, bari biriwe basangira inzoga. Mu iburanisha riheruka ryo ku wa 6 Gashyanter 2023, Ubushinjacyaha bwagaragarije urukiko ko Mazimpaka yafashwe yemera ko inzoga basangiye n’uwo mugore yarimo uburozi yahawe n’impunzi y’umurundi kandi ko yamwishe kakaba ari akazi yari yarahawe n’umuryango wa Habyarimana n’Akimanizanye bamwizeza igihembo cya miliyoni 1 Frw. Gasabo: Babiri bakurikiranyweho kwica umugore hakoreshejwe uburozi

Yaje gutangira kumwiyegereza, amubeshya ko ari umusirikare ukorera i Masaka ndetse aza kumushuka ajya kumugurira inzoga n’inyama mu kabari ka Nizeyimana Jean Pierre amushyirira uburozi mu nzoga ya Skol yanywaga. Amaze kuyisoma uyu mugore yatangiye kujya azengera no kumva uburibwe bagiye kumuvuza ahita ashiramo umwuka bataramugezayo. Uyu muryango wa Habyarimana ngo wabwiye urukiko ko impamvu bashingiyeho barogesha uyu mugore ari uko bari barabwiwe na Manishimwe wiyita umuvuzi gakondo ko uwo mugore ari na we ajya abaroga.

Impamvu zikomeye zituma bakekwaho ibyaha ni ukuba barabyemeye mu Bushinjacyaha, raporo ya muganga ikagaragaza ko uyu mugore yishwe n’uburozi bugaragara mu muti wica ibyonnyi. Mazimpaka we yaburanye ahakana ibyo byaha akavuga ko yashyizweho igitutu agakubitwa mu gihe yabazwaga mu Bugenzacyaha akaba ari yo mpamvu yatumye yemera bwangu. Yavuze ko yari yaje kuvura umugore wa Habyarimana kandi ko nta hantu yigeze ahurira na Mukantagara ku buryo yamuha uburozi.

Manishimwe Jean Claude yabwiye urukiko ko asanzwe ari umuvuzi gakondo kandi ko yari asanzwe avura umugore wa Habyarimana aho yamuvuye uburozi bw’ubutegano. Yavuze ko kwemera icyaha byaturutse ku gahato yashyizweho mu Bushinjacyaha. Abaregwa bose baburanye bakana ibyo bashinjwa bitandukanye n’ibyo bemereye Ubugenzacyaha mu gihe cy’ibazwa, bagaragaza ko babyemeye ku gahato.

Ubushinjacyaha bwavuze ko iperereza ry’ibanze ryagaragaje ko icupa Mukantagara yanywereyemo inzoga ngo ryarimo ubuvungukira ndetse banasanze utuntu tumeze nk’ifu ku meza banyweragaho bikaba bishingirwaho ko yaba yaramuroze kuko bidasanzwe kubibona mu nzoga nk’izo. Habyarimana Felicien ngo yagurishije ikibanza cya miliyoni 2 Frw kugira ngo azabone amafaranga yo guha Mazimpaka akamwicira Mukantagara yahamyaga ko amurogera umugore abibwiwe n’umuganga wabo.

Nyuma y’isesengura ryimbitse ryakozwe n’Urukiko, umucamanza yavuze ko hari ibyagezweho bihagije ku ruhande rw’Ubushinjacyaha bituma byaba impamvu zikomeye zo gukekwaho icyaha ku baregwa. Urukiko ruvuga ko rushingiye ku kuba abaregwa bose mu Bugenzacyaha baremeraga icyaha ndetse bakanagishinjanya hagati yabo, ubuhamya bwatanzwe na Nizeyimana ari we nyir’akabari banywereyemo ndetse no kuri raporo ya muganga yemeza ko Mukantagara yishwe n’uburozi hari impamvu zikomeye zituma bakekwaho icyaha.

Umucamanza avuga ko hashingiwe ku myiregurire yabo baburanye bahakana icyaha bakurikiranyweho no kuba mu Bushinjacyaha baracyemeraga, asanga hari impamvu zikomeye zituma Mazimpaka akurikiranwaho icyaha cyo kuroga. Urukiko kandi rusanga Akimanizanye, Habyarimana Felicien, na Manishimwe Jean Claude hari impamvu zikomeye zituma bakekwaho icyaha cyo kuba ibyitso mu gikorwa cyo kuroga.

Rwategetse ko abaregwa bose bafungwa iminsi 30 y’agateganyo muri gereza ya Nyarugenge iherereye i Mageragere mu gihe iperereza rigikomeje kugira ngo badatoroka ubutabera. Iki cyaha cyo kuroga, gihanishwa igifungo cya burundu, hashingiwe ku ngingo ya 110 y’itegeko nº 68/2018 ryo ku wa 30/08/2018 riteganya ibyaha n’ibihano muri rusange. source: IGIHE Ni ukubera iki abagabo bafata abagore bafite ikibuno kinini nk’abo gukora imibonano mpuzabitsina gusa?