Mu itangazo ryaturutse mu biro bya minisitiri w’intebe kuri uyu wa 12 Nzeri 2023, Dr Gasore Jimmy yagizwe minisitiri w’ibikorwaremezo asimbuye Dr Erinest Nsabimana wari waragiye mu mwanya wo kuyobora iyi minisiteri muri Mutarama 2022. Kuri uyu wa 12 Nzeri 2023 nibwo Erinest Nsabimana yari yahagarariye amasezerano yo kuzubaka mu Rwanda uyuganda rutunganya ingufu za kirimbuzi.

Ayo masezerano yasinywe hagati y’ikigo cy’u Rwanda gishinzi ingufu za kirimbuzi n’ikigo Dual Fluid. Dr Gasore yari amaze igihe ari umwarimu muri kaminuza y’u Rwanda ishami rya siyansi n’ikoranabuhanga, akaba ari umuhanga mu bugenge.

Muri kaminuza yahigishaga ubumenyi bw’imiterere y’ikirere ‘Atmospheric science’ ibi akaba yarabiminujemo muri kaminuza yo muri Amerika bita Massachusetts Institute of Technology(MIT) muri Gashyantare,2018. Yahawe kuyobora ikigo cy’u Rwanda cyiga iby’imihindagurikire y’ikirere muri 2013.