Emmanuel NIRINGIYUMUKIZA Ibibazo by’umutekano bikomeje gukaza umurego muri Teritwari ya Masisi, mu Ntara ya Kivu y’Amajyaruguru, aho Ingabo za Leta ya Repubulika Iharanira Demokarasi ya Congo (FARDC) zagabye ibitero bya drones ku birindiro by’imitwe ya AFC/M23.
Ku wa Mbere w’iki cyumweru, agasozi k’ingenzi ka Katale ni ko kabaye intandaro y’ibi bitero, ubwo indege zitagira abadereva (drones) za FARDC zagabaga ibisasu ku birindiro bikomeye bya AFC/M23 ahagana saa yine za mu gitondo. Aya makuru yateje ubwoba n’impagarara mu baturage bo muri Katale-Centre, bamwe batangira guhungira mu duce dutekanye.
Ku Cyumweru nabwo, FARDC yari yakomeje ibikorwa byo kugaba ibitero ku bindi birindiro bya AFC/M23 birimo Kahongole, agasozi kari hafi ya Masisi-Centre, ndetse na Bukombo, hagati ya Masisi-Centre na Nyabiondo. Amakuru agera kuri Kivu Morning Post yemeza ko ibyo bitero byahatiye bamwe mu barwanyi ba AFC/M23 gusubira inyuma berekeza mu bice bituje kurusha.
Abasivili bo mu gace ka Bukombo na bo batangiye guhungira mu mujyi wa Nyabiondo, kubera ubwoba bw’imirwano ikomeje gufata indi ntera.
Ku rundi ruhande, imirwano ikaze yabaye ku wa Mbere hagati y’inyeshyamba za AFC/M23 n’imitwe ya Wazalendo mu gace ka Kinyumba, kari mu birometero 10 mu majyaruguru ya Nyabiondo. Aya makuru avuga ko AFC/M23 ishaka kongera gufata ako gace gaherutse kwigarurirwa na Wazalendo.
Ku muhanda wa Nyabiondo–Kashebere ndetse na Kaanja–Mahanga, hari hatangiye kugaragara ituze ry’agateganyo.
Gusa hari amakuru yemeza ko habayeho “umusada” w’inyeshyamba za AFC/M23 hafi ya Kashebere–Kibati, bikaba bishobora kuba indakemwa ku mutekano w’aka gace.
