Umuhanzi Rukundo Christian wamamaye nka Chriss Eazy, kuva iki cyumweru tariki 26 Ugushyingo 2023, ku mbuga nkoranyambaga z’i Kigali hari kuvugwa inkuru y’amafoto yagaragaje Chriss Eazy apfumbaswe n’undi musore. Ku buryo bamwe bibaza uburyo aya mafoto yafashwe abanda bakibaza impamvu yasakajwe ku mbugankoranyambaga.

Aya mafoto yagaragaye ari mu buryo bwinshi hamwe Chriss Eazy yari apfumbaswe, hari n’ahandi amugaragaza ateruwe bizwi cyane ku bantu bashyingiranywe, andi ari munsi y’ukwaha k’uyu musore ibintu bimenyerewe ku bantu bakundana. Abantu benshi bakomeje kugaragaza ko batewe agahinda no kuba uyu muhanzi yaba asigaye aryamana nabo bahuje igitsina, abandi bakavuga ko ari kwamamaza indirimbo iri hafi gusohoka.

Ibi n’ubwo bigiteye urujijo mu bantu hari abandi badatinya kwemeza ko urukundo hagati y’aba bombi urukundo rwaba rugeze kure. Umusore wagaragaye apfumbase Chriss Eazy yitwa Prince Tity ku mbuga nkoranyambaga ndetse akaba umwe mu nshuti za hafi z’uyu muhanzi. Ubwo inshuti ndetse n’abantu ba hafi y’uyu muhanzi baganirizaga itangazamakuru bavuze ko iyi mico yo kuryamana n’abo bahuje ibitsina batyimuziho.

“oya ntabwo nabihamya ko Chriss Eazy ari umutinganyi, ubu se si inshuti yanjye ahubwo sinzi uburyo ariya mafoto yafashwe pe. Icyakora wenda ndakeka impamvu nyamukuru ari uko baru bashaka gutwikira indirimbo nshashya”.  Undi muntu we wa hafi ubwo yaganiraga n’itangazamakuru yavuze ko ari indirimbo nshya uyu muhanzi ateganya gushyira hanze,ndetse yavuze ko amashusho y’iyi ndirimbo agiye kurangira akaba azagaragaramo ibyamamare byinshi.

Aya mashusho kandi biri kuvugwa ko azagaragaramo umubyinnyi Titi Brown uherutse gufungurwa agizwe umwere ku cyaha cyo gusambanya umwana utari wuzuza imyaka y’ubukure. Kuvuga ko yaba ari ukwamamaza indirimbi nshya byaba bitangaje kuko avuga ko we kwamamaza bitamusaba kubeshya cyangwa kwifashisha ibindi bintu, akaba avuga ko akunzwe ku kigero gihagije.

Chriss Eazy yamenyekanye mu ndirimbo zirimo Inana, Eden, Stop ndetse akaba aherutse gukora Bana yakoranye na Shaffy uba muri Leta Zunze Ubumwe za Amerika ikaba ikomeje gukundwa na nubu.