Mu butumwa ishyirahamwe ry’umupira w’amaguru mu Rwanda FERWAFA ryageneye abanyarwanda, ryemeye ko ryagize uburangare ndetse rinasaba imbabazi kubwo gukinisha Muhire Kevin utari wemerewe gukina umukino u Rwanda rwakiriyemo Benin bikaruviramo guterwa mpaga.

FERWAFA yaboneyeho gutangaza ko Rutayisire Jackson wari ushinzwe imicungire n’imitegurire y’ikipe yahagaritswe ku mirimo yari ashinzwe mu gihe hagikomeje iperereza kugira ngo buri wese waba warabigizemo uruhare abibazwe.

Ni nyuma y’uko Muhire Kevin akinishijwe mu mukino wahuje U Rwanda na Benin atabyemerewe kubera ko yari afite amakarita abiri y’umuhondo yabonye mu mikino ibiri yari yabanje. Iyi mpaga (forfeit) amavubi yatewe yatumye ijya ku mwanya wa nyuma mu itsinda aho afite amanota abiri mu mikino yo gushaka itiki y’igikombe cya Afurika 2023.

🚨UBUTUMWA BUGENEWE ABANYARWANDA BOSE.🚨 pic.twitter.com/6gLpjHa3nb

— Rwanda FA (@FERWAFA) May 20, 2023