Fabrice Nahimana Mu gihe habura iminsi ibarirwa ku ntoki ngo u Rwanda rwakire irushanwa mpuzamahanga rya FIFA Series 2026, urutonde rw’abakapiteni b’Ibihugu bizaza i Kigali, bamaze kumenyekana.
Guhera ku wa 26-30 Werurwe 2026, i Kigali hazaba hari kubera irushanwa mpuzamahanga ya FIFA Series 2026 rizahuza Ibihugu umunani birimo n’u Rwanda ruzaryakira.
Imirasire TV wegeranyije bimwe byo kumenya ku ba kapiteni b’Ibihugu bizaza gukina iri rushanwa ribura iminsi 12 ngo rikinwe.
U Rwanda [Amavubi]:
Bizimana Djihadi: Ni umukinnyi wo hagati ukina imbere ya ba myugariro ariko ukina agana imbere [Box to Box]. Yavutse mu 1996, avukira mu Karere ka Rubavu, atangirira umupira muri Etincelles FC nk’uwabigize umwuga.
Uyu mukinnyi wa CS Constantine yo muri Algérie, ni umwe mu bazaba bahanzwe amaso muri FIFA Series 2026.
MACAU.
Jerry Chan Man: Ni umukinnyi ukina mu bwugarizi, wavutse mu 1993. Akinira ikipe yitwa S.L. Benefica de Macau y’iwabo. Ni umwe muri ba myugariro beza muri iki gihugu.
ARUBA.
Fernando Lewis: Ni umukinnyi ukina nka myugariro ukina aca ku ruhande rw’iburyo. Yavutse mu 1993. Akina mu Buholande mu kipe yitwa SV Zandvoot.
ESTONIE.
Karol Mets: Akina nka myugariro wo hagati. Yavutse mu 1993. Akina mu Budage mu kipe yitwa FC St. Pauli.
LIECHTENSTEIN.
Nicolas Hasler: Ni umukinnyi wo hagati. Yavutse mu 1991. Akina mu Busuwisi mu kipe yitwa FC Vaduz.
TANZANIA.
Mbwana Ally Samatta: Akina mu gice cy’ubusatiri mu kipe yitwa PAOK FC yo mu Bugeleki. Yavutse mu 1992. Ni umwe mu bo Abanyarwanda bazaba bahanze amaso i Kigali.
KENYA.
Michael Olunga: Akina mu busatirizi mu kipe yitwa Al-Arabi SC yo mu gihugu cya Qatar. Yavutse mu 1994. Olunga ni umwe mu bazaba bahanzwe amaso i Kigali.
GRENADA.
Andre Fletcher: Akina nka rutahizamua mu kipe ya Los Angeles Knight Riders yo muri Leta Zunze Ubumwe za Amerika. Yavutse mu 1987.
Itsinda rya A ririmo Amavubi, rizaba rikinira kuri Stade Amahoro mu gihe irya B ririmo Tanzania, rizakinira kuri Kigali Pelé Stadium. Kwinjira kuri iyi mikino ni 2000 Frw ahasigaye hose. Kugura itike ni uguca kuri *939*3*2# ugakurikiza amabwiriza.
