Gentil Gedeon ni umunyamakuru ukunzwe cyane mu Rwanda kubwo kuba akora ibiganiro birimo ubwenge bwinshi cyane, kuko akora ubucukumbuzi ku bintu runaka maze agakoramo inkuru ahanini ikunda kugaragara k’uyumva nk’ikintu kitoroshye cyane, ariko bigaterwa n’uko akenshi ababyumva baba bazi ko bibaho ariko badasobanukiwe imikorere yabyo.

Uretse uyu Gedeon abantu bamenye cyane, hari mugenzi we nawe ukora ibiganiro muri ubu buryo akaba yaramenyekanye cyane kubera uburyo agereranya ubuzima bw’isi n’imiterere yayo mu byegeranyo anatanga ingero zibigaragaza kuburyo uwumvise icyo kiganiro agenda anyuzwe ariko nanone akanashaka kuzongera kucyumva, bituma aba icyamamare cyane mu bantu bakora ibyegeranyo hano mu Rwanda.

Mu kiganiro uyu Gentil Gedeon yagiranye n’ikinyamakuru Isimbi tv ubwo yavugaga ku buryo akora ikiganiro cye , umunyamakuru yamubajije ku kuntu ahorana na Mwanafunzi bakaba bashobora gutekereza ibintu bizarenga ubwenge bwa muntu, Gentil ahita abiteramo urwenya amusubiza ati “Mwanafunzi duherukana agiye kungurira ibiryo.”

Uyu munyamakuru Sabin yahise abwira Gentil ko ariwe muntu wa mbere wirahiriye Mwanafunzi ko amugurira, Gentil asubiza avuga ati “ ni ubwa mbere……” ariko atararangiza ahita agarukira aho avuga ko yari agiye kuvuga ko ari ubwa mbere yari agiye kumugurira ariko yisubiyeho ko asanzwe amugurira kenshi kuko bahorana.

Gentil yakomeje atera urwenya n’umunyamakuru Sabin  bavuga ko gusa iyo Mwanafunzi agiye kurekura amafranga akora mu mufuka ntatinzemo akaboko, Gentil yagize ati “ buriya iyo Mwanafunzi agiye kugura, akora mu mufuka nk’umurabyo vuba vuba kugira ngo ingona iri mu mufuka itamufata.” Bakaba babiteyemo urwenya bashatse kuvuga ko nyine Mwanafunzi aba adashaka kurekura cyane.

Gentil Gedeon yakorete Kigalitoday ndetse kuri ubu akaba akorera ikinyamakuru cye kuri YouTube yise Gentil Gedeon official, akaba yafunguye n’indi channel nshya yitwa One on One hose akaba agiye kujya ahakorera ibiganiro bye, mu gihe Mwanafunzi we yamenyekanye kuri RBA ariko abakoresha imbuga nkoranyambaga bakunda kumwumva kuri channel yitwa Waruziko zone akaba yarananyuzaga ibiganiro bye kuri redbluejd.

Ukuri kose ku makuru avuga ko Bruce Melody yongeye gutwara umugore wa Ama G the black.