Gereza ya Kakwangura iherereye mu Mujyi wa Butembo, Intara ya Kivu y’Amajyaruguru muri Repubulika Iharanira Demokarasi ya Congo, ikomeje kuvugisha benshi kuko kuva muri Mutarama 2024, kugeza ubu imfungwa zirenga 56 zari zifungiwemo zimaze kwitaba Imana. https://imirasiretv.com/rib-yataye-muri-yombi-umusore-wimyaka-17-wafashwe-avuye-kwiba-inka-mu-masaha-yijoro-amafoto/

Iyi nkuru ikomeje kuba kimomo nyuma y’uko umushakashatsi akaba n’umunyamategeko, Me Sekera Kasereka, wasobanuye ko izi mpfu zituruka ku kuba iyi gereza irimo ubucucike bukabije bw’imfungwa, kandi bukaba bukomeje kwiyongera. Uyu mushakashatsi yatangaje ko ubushinjacyaha bw’igisirikare cya Repubulika Iharanira Demokarasi ya Congo, bufite uruhare runini mu kongera ubucucike muri iyi gereza, kuko abenshi bafungiwemo ari bwo bubohereza butitaye ku biteganywa n’amategeko.

Mu mini yashize, Bienvenue Lutshumbi, Umudepite uhagarariye Butembo mu Nteko Ishinga Amategeko yo ku rwego rw’Intara, yandikiye Minisitiri w’Ubutabera, Constant Mutamba, amusaba gufata ingamba zatuma ubucucike muri gereza ya Kakwangura bugabanyuka. Lutshumbi yamwandikiye asaba ko hakubakwa izindi nyubako za gereza zigezweho, bigendanye n’ikibazo cy’umutekano muke wugarije Intara ya Kivu y’Amajyaruguru.

Ikinyamakuru IGIHE cyanditse ko Umuhuzabikorwa w’umuryango REDHO uharanira uburenganzira bw’ikiremwamuntu, Muhindo Wasivinywa, we yasabye Minisitiri Mutamba ko Leta yashyiraho komisiyo yihariye yakurikirana dosiye z’abafungiwe ibyaha bito kugira ngo bafungurwe vuba. https://imirasiretv.com/perezida-ndayishimiye-yavuze-ko-abahombeje-u-burundi-miliyari-17-fbu-ari-abicanyi/