Ntabahwana Gerard, umunyamabanga nshingwabikorwa w’akagali ka Musovu, Umurenge wa Julu wo mu karere ka Bugesera, yitabye Imana azize impanuka ya moto yari atwaye yagonganye n’imodoka. Ibi byabaye mu rukerera rwo kuri uyu 30 Nyakanga 2023.

Umuyobozi w’akarere ka Bugesera, Mutabazi Richard yemereye Rubanda dukesha iyi nkuru aya makuru. Amakuru avuga ko Gitifu Ntabahwana yazize iyi mpanuka ubwo yari yitabajwe n’abaturage agiye kubakemurira ibibazo, aribwo kuri moto yahise agongana n’imodoka ahasiga ubuzima.

Umuvugizi wa polisi ishami ryo mu muhanda SSP Irere Irene yabwiye umunyamakuru wa Rubanda ko hakiri gukorwa iperereza kuri uru rupfu rwe, hamenyekane uburyo impanuka yabayemo ndetse n’icyayiteye.