Kuri uyu wa Kane tariki 07 Ukwakira 2023, kipe ya Sunshine Stars yo muri Nigeria ubwo yari mu rugendo igiye gukina umukino w’umunsi wa 13 wa Premier Leage yagombaga gukina na Bendel Insurance FC of Benin,  yagabweho igitero n’abagizi ba nabi, biza kuviramo umwana utoragura imipira yajyanywe mu bitaro.

Abakinnyi hafi ya bose ndetse n’ushinzwe ubuzima bw’ikipe Seun Betiku bakomeretse bikabije mu gihe uwo mwana utoragura imipira yajyanywe mu bitaro nyuma y’uko ubuzima bwe budahagaze neza. Ubuyobozi bw’iyi kipe bwasobanuye uko byagendekeye utoragura imipira, abayobozi b’ikipe ndetse n’abakinnyi bayo.

Iyi kipe yashyize itangazo hanze rigira riti “ Bibabaje umutima wacu kumenyesha Abanyanijeriya, cyane cyane abakunzi b’umupira w’amaguru, ko ikipe yacu yagabweho igitero ku minota mike ishize kuri Ore-Benin Expressway, ubwo twari tugiye gukina umukino wa 13 wa shampiyona wari uteganyijwe muri iki cyumweru.”

Kugira ngo habeho ubutabazi bwihuse kuri iyi kipe, byasabye ubutabazi bwihutirwa bwa Polisi Ishami rishinzwe Umutekano wo mu muhanda, ndetse aho impanuka yabereye bisi yari irimo aba bantu ikaba yamenaguritse ibirahuri kubera amasasu. bityo rero ni amahirwe kuri twe ndetse n’abakunzi b’umupira w’amaguru kuko kugeza ubu bose baracyari bazima.