Imiryango iharanira uburenganzira bw’abakozi muri Kenya yariye karungu isaba Guverinona guhagarika mu maguru mashya ibigo bishinzwe kohereza abakozi muri Arabie Saoudite. Bibaye nyuma y’amashusho yakwirakwijwe ku mbuga nkoranyambaga arimo umugore uri konsa imbwa, avuga mu rurimi rw’Igiswahili atabaza, yumvikanisha ko ari umwe mu bakora akazi ko mu rugo muri Arabie Saoudite.

Umuyobozi w’Umuryango Kenya’s Central Organisation of Trade Unions (Cotu), Francis Atwoli yabwiye BBC ko uwo mugore wumvikana mu mashusho ari umunya-Kenya wajyanywe muri Arabie Saoudite gukora akazi ko mu rugo. Francis Atwoli yavuze ko uwo mugore wasize umwana we w’uruhinja rw’amezi abiri muri Kenya, yonkeje imbwa abisabwe n’abakoresha be.

Iyi miryango iharanira uburenganzira bw’abakozi, yasabye Leta ya Kenya guhagarika iryo yoherezwa ry’abanya-Kenya, mu cyo bise uburetwa mu bihugu by’Abarabu. Kubera ubushomeri, benshi mu rubyiruko rwo muri Kenya bamaze igihe bajya gushaka imibereho mu bihugu by’Abarabu, cyane cyane mu mirimo yo mu rugo. Si ubwa mbere bivuzwe ko benshi mu boherezwa muri ibi bihugu bafatwa nabi, rimwe na rimwe bagakorerwa ihohoterwa. Source: IGIHE

Abakunzi ba Ndimbati bari mu byishimo bidasanzwe kubera uburyo yabatunguye.

COTU boss Atwoli speaks after Kenyan records herself while "breastfeeding dogs in Saudi Arabia", wants employment agencies banned in Kenya. #NTVatOne pic.twitter.com/r9sgcVvH7i

— NTV Kenya (@ntvkenya) October 9, 2022