Gloire AKIMANA 
221
Abanyeshuri 13 bo muri Repubulika Iharanira Demokarasi ya Congo batawe muri yombi bazira kumanura Ibendera ry’Igihugu ryari rimanitse mu kigo cy’amashuri bigamo barangiza bakamanika irindi rifite ibara ry’umukara.
Nk’uko byatangajwe na BBC aba banyeshuri biga mu ishuri ryisumbuye ryigisha imyuga riherereye i Brazzaville ndetse ngo kugeza ubu igisobanuro cy’iri Bendera ryahise rimanikwa ntikiramenyekana.
Guverinoma ya RD Congo yatangaje ko aba banyeshuri batawe muri yombi bakurikiranyweho icyaha cyo gusuzugura ibirango by’Igihugu.
Minisitiri w’Uburezi muri iki gihugu, Ghislain Thierry yatangaje ko uretse aba banyeshuri bafunzwe hafashwe iki cyemezo cyo guhita bafunga iki kigo cy’amashuri igitaraganya kugeza igihe kitazwi.
