Ku kiraro cya Nyabugogo gitandukanya n’uwa Gatsata hagaragaye umurambo w’umusore w’imyaka 25 y’amavuko uvuka mu karere ka Nyaruguru bikekwa ko yiyahuye. Uwo murambo wagaragaye mu gitondo cyo kuri uyu wa 27 Kamena 2023.

Ababibonye bamwe, babwiye Igihe dukesha iyi nkuru ko uyu musore batari basanzwe bamuzi bakaba batanazi impamvu yiyahuye. Umurambo we ukigaragara inzego z’ibanze n’iz’umutekano zahise zihagera.

Murebwayire Alphonsine, umunyamabanga nshingwabikorwa w’umurenge wa Gatsata, yatangaje ko iperereza ryatagiye kugira ngo hamenyekane intandaroy ‘urupfu rw’uwo musore. Yavuze ko bakihagera bamusanganye ibyangombwa bye byanditseho Niyibizi w’imyaka 25 uvuka I Nyaruguru muri Cyahinda, ariko bakaba bataramenya impamv yiyahuye. Umurambo wa nyakwigendera RIB yawujyane mu bitaro bya Kacyiru ngo ukorerwe isuzuma.