Kuri uyu wa Gatandatu tariki 18 Gicurasi 2024, ni bwo byamenyekanye ko Joseph Bundala wari Musenyeri mu itorero ry’aba- méthodiste mu gihugu cya Tanzania, yiyahuye akoresheje umugozi wa telefone yo mu biro bye, aho bikekwa ko ari icyemezo yafashe kubera imyenda yari imurembeje.

N’ubwo iyi nkuru yamenyekanye ku wa 18, nyamara hari amakuru avuga ko yiyahuye ku wa Kane tariki 16 Gicurasi. Icyakora ngo kugeza ubu ntiharamenyekana ingano y’imyenda yatumye uyu Musenyeri yiyahura, niba yarayifashe ku giti cye cyangwa ari mu izina ry’akazi.

Aya makuru kandi yemejwe n’Umuyobozi wa Polisi ya Tanzania mu Mujyi wa Dodoma, Alchelaus Mutalemwa, yavuze ko Joseph Bundala yiyahuriye mu biro bye akoresheje umugozi wa telefone. Ati “iperereza ry’ibanze ryakorewe aho icyaha cyabereye ryatahuye inyandiko igaragaza ko imyenda no kutumvikana na bagenzi be ku micungire y’amashuli y’iri dini aribyo byatumye uyu mugabo yiyahura.”