Ku wa Gatandatu, tariki 16 Ukuboza 2023, umusore wo muri Nigeri yahagaritse ubukwe bwe ku munsi bwari kuberaho kubera ko yavumbuye ko umukobwa yari agiye gushaka yasambanye n’undi musore mu minsi mike ishize.

Amakuru avuga ko, uwahoze ari umukunzi w’uyu mugeni yabwiye uwari ugiye kumurongora ko baryamanye ku munsi w’imigenzo gakondo y’amasengesho (Ibirori by’umuco muri Nigeria bikorerwa abageni mu minsi ya mbere y’ubukwe bwabo). Aya makuru yemejwe n’uwagombaga gusiga ibirungo witwa Linda Gagara.

Linda Gagara yavuze ko ubwo yari hafi gutangira gusiga ibirungo uyu mugeni, hanyuma umuryango w’umukwe uramuhamagara umubwira ko ubukwe bwahagaritswe. Yakomeje avuga ko umugeni yahamagaye umukunzi we ngo amubwize ukuri, undi amubwira ko atagishishikajwe no gukomeza ubukwe.

Uyu mukobwa yakomeje avuga ko we n’uyu mukobwa bagiye barira bava haitwa Kagoro berekeza ahitwa Jos kubera aka kaga bahuye nako. Linda yasoje agira ati “Abakobwa bahura na byinshi, birababaje, nukuri ndababaye cyane.” Benshi bumvise iyi nkuru banenze uyu mukobwa bavuga ko ibyamubayeho ariwe wabyiteye.