Uwabaye Minisitiri muri Repubulika Iharanira Demokarasi ya Congo ushinzwe Abanye-Congo baba mu mahanga, Emanuelle Ilunga, yatangaje ko abakozi ba Ambasade y’iki gihugu muri Guinée-Conakry batagikorera mu nyubako bagenewe kuko yuzuyemo umwanda uterwa n’uko yashaje. https://imirasiretv.com/abakozi-icumi-bo-mu-murenge-umwe-banditse-basezera-akazi-ku-munsi-umwe/

Yatangake ko abakozi bo muri iyi Ambasade bahisemo kujya gukorera mu igaraje iri inyuma y’iyo nyubako bavuga ko ariho hatekanye kurusha aho bagenewe. Ati “Inyubako Ambasade ikoreramo yuzuyemo umwanda. Ntabwo bisanzwe. Abadipolomate bacu bakorera mu igaraje iri inyuma ya Ambasade. Ni igisebo kandi bitesha agaciro. Aho bigeze, Ambasade ikwiye gufungwa.”

Ilunga yavuze ko iki kibazo kitari aho aba Badipolomate bagenewe gukorera gusa, ahubwo ko n’aho bahawe ho gutura hegereye iyi Ambasade ariko hameze. Iki kibazo cyagaragajwe mu gihe Perezida wa RDC, Felix Tshisekedi amaze hafi amezi icyenda asezeranyije Abanye-Congo baba mu mahanga ko inyubako za Ambasade zabo zigiye kuvugururwa kandi ko hazubakwa n’izindi nshya.

Uyu munyapolitiki yatangaje ko inzu abadipolomate ba Guinée babamo i Kinshasa bazihawe na Leta ya RDC kandi ngo zimeze neza, asaba ko na Guinée yaha abadipolomate babo izibahesha agaciro. https://imirasiretv.com/abakozi-icumi-bo-mu-murenge-umwe-banditse-basezera-akazi-ku-munsi-umwe/

Uko Ambasade ya RD Congo i Guinée-Conakry igaragara inyuma