Kuri uyu wa 02 Mutarama 2024, abasirikare 26 ba Repubulika Iharanira Demokarasi ya Congo bakorera muri teritwari ya Masisi batawe muri yombi, bazira amakosa atandukanye, nk’uko byatangajwe n’ikinyamakuru Politico cy’aho muri Congo.

Iyi nk’uku yatangajwe n’iki kinyamakuru ivuga ko amakuru yayahawe n’umwe mu basirikare bashinzwe imyitwarire ya bagenzi be (Police Militaire) uyahagazeho neza. Cyasobanuye ko aba basirikare batawe muri yombi nyuma y’uko barashe mu kirere aho abaturage batuye, mu Mijyi ya Sake na Mubambiro.

Aba basirikare barimo abafungiwe gusesagura amasasu, abazira kutubahiriza y’abayobozi babo no kuva mu kigo cya gisirikare nta ruhushya basabye. Muri aka gace byabereyemo ni hafi y’uduce M23 igenzura, Leta ikaba isaba abasirikare ko bitwararika, bakaba maso ndetse bakunga ubumwe kugira ngo uyu mutwe utazabatungura.