Umuyobozi ushinzwe ishami ry’ubworozi muri RAB, Dr Fabrice Ndayisenga, yatangaje ko hari bamwe mu borozi bo mu Karere ka Kayonza, Umurenge wa Mwiri nyuma y’uko hagaragaye inka zirwaye uburenge, hari aborozi banga kuzigurisha bagashaka kubana nazo, aho kugira ngo bikureho amatungo yabo.

Uyu muyobozi avuga ko muri uyu Murenge harimo aborozi bagifite umuco wo kuba badashaka kurekura amatungo arwaye bagashaka kubana nayo aho kuyagurisha. Yagize ati “Hari aborozi basanzwe bafite imyumvire ya kera bati ‘mureke njyewe mbane nazo’ ariko kubana nazo nabyo bitera ikindi kibazo.”

Muri iki gihe ibihugu byaciye indwara y’uburenge byibutsa ko iteka iyo hari amatungo agaragaye avanwa mu bworozi mu rwego rwo kurengera izindi zitarandura. Ni mu gihe bamwe mu baturage basaba ko bashakirwa isoko bakazigurisha zikabagwa ndetse bakumvikana ku giciro cya buri nka bitewe n’uko ingana.

RAB irasaba aborozi ko iyi ndwara yakumirwa kugira ngo ntikwirakwire ahandi hantu ari nayo mpamvu inka zirwaye zahise zikurwa mu zindi hakirindwa ko iyo ndwara yagera ahandi.