Dukuzimana Ignace Sosiyete y’u Rwanda ishinzwe ingufu REG, iherutse gutangaza ko hari imwe mu mirenge y’uturere twa Burera, Gakenke na Musanze iteganijwe kubura umuriro mu gihe cy’iminsi ine kubera kwagura umuyoboro wa Gakenke. Ni mu itangazo yashyize hanze kuwa 24 Ugushyingo 2023.
Iyi mirenge izajya ibura umuriro kuva kuwa 8-12 Ukuboza 2023, aho amashanyarazi azajya avaho kuva saa tanu z’amanwa kugera saa munani. Armand Zingiro, Umuyobozi wa REG yagize ati “Amashanyarazi azabura mu bice bimwe by’umurenge wa Rugengabari na Nemba mu karere ka Burera, ibice bimwe by’umurenge wa Kamubuga na Gakenke yo mu karere ka Gakenke n’ibice by’umurenge wa Rwaza mu karere ka Musanze.”
REG yiseguye ku bafatabuguzi bayo ndetse ibasaba kwitondera insiga z’amashanyarazi kuko umuriro ushobora kugaruka mbere y’isaha nk’uko Umuseke babitangaje.
Dukuzimana Ignace 