Umugore wa perezida wa Kenya Rachel Ruto yatangaje amasengesho y’igihugu cyose yo kurwanya umwuka mubi w’ubutinganyi  ukomeje kwaduka mu miryango. Aya masengesho atangajwe nyuma y’uko urukiko rukuru rwo muri Kenya rwashyizeho itegeko nshinga rirengera uburenganzira bw’amashyirahamwe y’abatinganyi.

Umufasha wa William Ruto yavuze ko igihugu kitashobora kwihanganira iyi ngingo urukiko rwafashe yo guha uburenganzira abatinganyi bagashinga amashyirahamwe. Ati “ntidukwiye no kuba tuvuga ibyerekeye abatinganyi cyangwa ngo tugire ikiganiro cyabyo,  kubyemera ni uguta ubumuntu bwacu.” Ubutinganyi buracyafatwa ’k’icyaha ariko Urukiko rukuru  rw’igihugu rwemeje  ingingo ivuga ko batabuza urenganzira bwabo bwo gushinga amashyirahamwe ndetse n’imiryango ibavugira, ibi byaba ari ukwica uburenganzira bwabo.

Ni ingingo ikomeje kutavugwaho rumwe mu gihugu cya Kenya haba abanyamadini ndetse na Perezida w’igihugu William Ruto. Umucamaza mukuru avuga  ko Leta izakomeza kurwanya iyi ngingo  agashimangira ko ibi bigomba kuzaganirwaho n’abaturage bose b’igihugu k’uko atari ikibazo kireba inteko nshingamategeko gusa. Src: ijambo