Nyuma y’uko komite nyobozi ya FERWAFA isheshwe nyuma yo kwegura kwa bamwe mu bayobozi bayo, hateganijwe amatora y’abandi bayobozi bashya tariki 24 Kamena 2023. Mu rutonde rwatangajwe, umuyobozi wa police FC Munyantwari Alphone ni we mukandida rukumbi ku mwanya wa perezida.

Gacinya Denis wigeze kuyobora Rayon sport yasohotse ku rutonde rw’abatemerewe kwiyamamaza, aho yari yatanze kandidatire ye nka visi perezida. Abandi batemerewe kwiyamamaza harimo Murangwa Eugene uyobora ishyirahamwe ry’abahoze bakinira amavubi, Hakizimana Moussa wiyamamaje nka komiseri ushinzwe ubuvuzi, wigeze no kuba muri komite nyobozi ya FERWAFA akaba yarabaye numuganga w’amavubi.

Urwego rushinzwe amatora muri FERWAFA nta kindi rwigeze rutangaza ku mpamvu zaba zatumye kandidatire zitakirwa uretse kuba gusa abemerewe n’abatemerewe bagaragaye ku rutonde rwasohotse.