Mu gitondo cyo kuwa 5 Nyakanga 2023, mu murenge wa Ruvune wo mu karere ka Gicumbi, ahagana saa kumi n’ebyiri za mugitondo ahahana imbibe n’akarere ka Gatsibo, hagaragaye umurambo w’umukobwa utaragaragara imyirondoro wishwe atemeshwejwe umuhoro. Byabereye mu kagali ka Cyandaro, umudugudu wa Rugaramo.

Beningoma Oscar, umunyamabanga nshingwabikorwa w’umurenge wa Ruvune, yabwiye Umuseke dukesha iyi nkuru ko uyu mukobwa yasanzwe yishwe ariko hataramenyekana uri inyuma yabyo. Yavuze ko n’imyirondoro ya nyakwigendera yari itaramenyekana. Yakomeje avuga ko bari kubukurikirana ngo bimenyekane.

Yongeyeho ko bikekwa ko yishwe atemeshejwe umuhoro. Yagize ati “hano hafi hari umuhoro twabonye ariko iperereza riracyakomeje. Kuko ari ku rugabano rwacu na Gatsibo, nabo muri uyu murenge bahageze, baracyashakisha imyirondoro ye ntago turamumenya.”