Hari igihe umuntu ajya ahantu bikaba ngombwa ko akenera kuharara bikaba ngombwa ko akoresha inyubako zimwe zizwi nka Lodge, kimwe n’uko abantu batandukanye bakunda kuzikoresha baharara bakanahakorera ibindi bikorwa kubera ko bahahuriye, kimwe n’uko nanone abandi bantu bazikoresha barimo kwinezeza mu buryo butandukanye.

Nyuma ya za lodge kandi haba hari na hotel, ndetse ku rwego rw’isi ugasanga hari ama hotel afite inyenyeri zitandukanye bitewe n’urwego zirimo ndetse na service zitanga udasize n’ibikorwa biziberamo, hano mu Rwanda tugiye kuvuga ku ma hotel yihagazeho kurusha ayandi. Izi hotel tugiye kuvuga ziratandukanye ugendeye ku byumba zifite, hari izifite ibyumba bya menshi ndetse n’ibya makeya.

10. RADISSON BLUE NA CONVENTION CENTER: Radisson Blue hotel Kigali, ni hotel y’inyenyeri eshanu ifite ibyumba 292, icyumba cy’inama cyakira abantu basaga ibihumbi 2500, ibiro byo gukoreramo ndetse n’ibindi byose uzi biranga hotel y’inyenyeri eshanu. Iyi nyubako yatashywe ku mugaragaro mu mwaka wa 2016 ndetse ikaba ifatwa nk’inkingi ya mwamba muri gahunda ya guvernoma y’u Rwanda ijyanye no kwagura ubukerarugendo, inama mpuzamahanga n’ibindi bikorwa bitandukanye. Iherereye mu mugi wa Kigali rwagati aho ibarizwa mu ruhererekane rw’ama hotel ya Radisson. Kugira ngo ubashe kuyiraramo bifite ibiciro bitandukanye, aho icyumba gihendutse kiri ku madorari 205 nukuvuga ibihumbi 205,000 by’amanyarwanda, naho igihenze kikaba ari amadorari ibihumbi 13 nukuvuga arenga million 13 z’amafranga y’u Rwanda.

9. THE RETREAT KIGALI: Iyi ni imwe mu ma hotel ahenze cyane mu mugi wa Kigali ikaba itunzwe na company ya heaven Rwanda. Nin company ifite hotel zigera kuri ebyiri harimo n’iyi ngiyi ya THE RETREAT. Iyi hotel nayo ifite ibiciro by’ibyumba bitandukanye, ariko igiciro cyo hasi ni amadorari 346 ubwo ni asanga ibihumbi 346,000 by’amanyarwanda naho igiciro kiri hejuru ni arenga igihumbi cy’idorari, ni ukuvuga million irenga y’amanyarwanda.

8. MAGASHI CAMP BY WILDERNESS SAFARIS: Nayo iri mu ma hotel ahenze mu gihugu cy’u Rwanda, iyi hotel yubatse nk’inkambi ikoze mu buryo bw’amahema, iherereye mu karere ka Nyagatare mu burasirazuba bw’u Rwanda, ikaba iba muri parike y’akagera,  aho kuyiraramo ijoro rimwe ari amadorari 583 mu bihe bisanzwe ubwo ni arenga ibihumbi 583,000 by’amanyarwanda, naho akaba amadorari 810 mu bihe bihenze cyane ubwo ni ibihumbi 810,000 by’amanyarwanda. Impamvu iyi hotel ije mu mwanya wa munani ugereranije n’izo twabanje kuvuga hejuru, nuko yo utabasha kuyiraramo byibura udafite ibihumbi 500,000 y’u Rwanda, mu gihe iyo twavuze haruguru ushobora kuyiraramo ufite kuva kuri 300,000.

7. FIVE VOLCANOES BOUTIQUE HOTEL: Ni hotel iherereye mu karere ka Musanze mu majyaruguru y’u Rwanda. Ifite ubwoko butandukanye bw’ibyumba, aho kuyiraramo ijoro rimwe bishobora kugutwara hagati y’ama dorari 580, ubwo ni amafranga y’u Rwanda ibihumbi 580,000 ndetse n’amadorari mu cyumba gihenze ukaba ufite ibihumbi 5500 by’idorari, angana n’amafranga y’u Rwanda million 5,500,000.

6. VIRUNGA LODGE: Ni hotel iherereye mu majyaruguru y’u Rwanda hafi ya parike y’ibirunga, iyi hotel ifite ibiciro bigera kuri 2, aho igiciro gitoya ari amadorari 670 ubwo ni arenga ibihumbi 670,000 by’amanyarwanda ndetse igihenze ari amadorari 1210 nukuvuga ko ari million 1,210,000 by’amanyarwanda. Naho ibyumba biri hagati biri hagati y’amadorari 800 nukuvuga ibihumbi 800,000 by’amafranga y’u Rwanda.

5. SABYINYO SILVERBACK LODGE: Nayo iherereye mu majyaruguru y’u Rwanda, ikaba ari iya company yitwa governance camp correction, hamwe n’igice cy’abaturage mu rwego rwo kubafasha kwiteza imbere. Kugira ngo ubashe kuyiraramo ijoro rimwe rero bikaba bigutwara hagati y’amadorari 840 bivuze ko ari amafranga y’u Rwanda ibihumbi 840,000 arenga, mu gihe mu cyumba gihenze ari 1000 kirenga cy’idorari, uyagenekereje mu mafranga y’u Rwanda ni million y’amafranga y’u Rwanda arenga.

4. SINGITA KWITONDA LODGE NA KATAZA HOUSE: Singita kwitonda lodge nayo iherereye mu majyaruguru y’u Rwanda ikaba ari iya Singita company ikora ibijyanye n’ubukerarugendo. Kugira ngo ubashe kurara muri iyi hotel ijoro rimwe mu byumba bihendutse ni amadorari 1125, ugenekereje ni arenga million 1,125,000 y’amafranga y’u Rwanda, mu gihe mu byumba bihenze ari arenga amadorari 2500, aakaba ari million 2,500,000 y’amafranga y’u Rwanda.

3. BISATE LODGE BYA WILDENESS SAFARIS: Iyi bisate lodge iherereye mu mashyamba y’ibirunga, ikaba ifite amazu y’ibyatsi yubatse mu ishusho y’imisozi cyangwa se ibyari by’inyoni. Muri Bisate lodge ho ibyumba byaho bihuje ibiciro, ariko bikaba bigenda bvihinduka bitewe n’amezi aho mu gihe bihendutse ijoro rimwe ari amadorari 1750 ubwo ni ukuvuga million 1,750,000 y’amafranga y’u Rwanda naho mu gihe bihenze akaba ari amadorari 2250, ubwo ni amafranga y’u Rwanda arenga million 2,250,000.

2. ONE AND ONLY NYUNGWE HOUSE: Iyi hotel iherereye mu ishyamba rya Nyungwe muri parike ya Nyungwe, ni iya company yitwa one and only resource. Kugira ngo ubashe kurara muri iyi hotel icyumba kimwe gihendutse ari amadorari 2100 ubwo ni amafranga y’u Rwanda arenga million 2,100,000 naho mu cyumba gihendutse ni amadorari 6000 ayo akaba million 6,000,000 y’amafranga y’u Rwanda.

1. ONE AND ONLY GORILLAS NEST: Yubatse hafi ya parike y’ibirunga ikaba ari hotel benshi bakunze gutangarira kubera uburyo igaragara,  iyi niyo hotel ihenze kurusha izindi hotel zose ziri hano mu Rwanda kubera ko kuyiraramo ijoro rimwe bitwara amadorari ibihumbi 4, ubwo ni amafranga y’u Rwanda arenga million 4,000,000 kandi aho hakaba mu cyumba gihendutse, naho mu cyumba gihenze akaba ari amadorari ibihumbi 15 ayo akaba arenga million 15,000,000 y’amafranga y’u Rwanda.

Reka tukubwire ko ku bijyanye n’ibi byumba, ko muri RADISSON BLUE NA CONVENTION CENTER ariho hari icyumba cya kabiri gihenze mu ma hotel ari muri iki gihugu, ni ukuvuga ko uramutse ugiye gukora urutonde ugendeye ku byumba bihenze gusa RADISSON BLUE NA CONVENTION CENTER yaza ku mwanya wa kabiri mu gihe ku mwanya wa mbere ari iyi hotel tumaze kuvuga iri ku mwanya wa mbere.