Si rimwe cyangwa se kabiri uzumva havugwa ko umugore runaka yatwaye umugabo w’undi mugore, yewe akenshi bikunda no guca mu bitangazamakuru havugwa ko ari ikibazo cyugarije imiryango, gusa ahanini abenshi bashobora gutekereza ko ari ikintu gikomeye cyane cyangwa impamvu ifite uburemere bukabije yatumye ibyo bibaho. Aha twabateguriye ibintu bituma abagore bakurura abagabo b’abandi bigatuma babiyegurira.

Guseka

Abagabo benshi bakururwa n’inseko, inseko nziza rero ikaba ari kimwe mu bimenyetso abagore bifashisha kugira ngo bakurure abagabo ikabafasha kubiyegereza mu bitekererezo.

Imiterere y’umugore cyangwa umukobwa

Uko umugore abumbye n’uko ateye bikurura abasore cyangwa abagabo. Aha ni ukuvuga isura ye yo mu maso, uburyo umubiri we uteye ndetse n’ingano ye. Iyi miterere ishobora gutuma umugabo atera intambwe ya mbere asanga umukobwa, imitereye y’umubiri we iyo ije yiyongera ku mutima mwiza uwo mukobwa cyangwa se umugore afite biba mahwi.

Ijwi

Ijwi ry’umugore rifite uburyo rikurura abagabo. Iyo ari ijwi ryoroshye, avuga yenda nko kurira, harimo ikintu gisa n’impuhwe ngo niyo amaze kuvugana n’umugabo usanga rya jwi rimugaruka mu bitekerezo akumva arashaka gusubira mu kiganiro bagiranye.

Indoro

Indoro yonyine ivuga amagambo arenze igihumbi, iyo noneho igamije gukurura umuntu badahuje igitsina biba ibindi bindi. Amaso cyangwa indoro bishora gutuma umugabo ahita akunda umukobwa ataniriwe areba indi miterere y’umubiri we.

Imisatsi miremire

Imisatsi miremire myiza nayo ni kimwe mu bintu abagabo bakundira abagore. Imisatsi kandi igaragaza ubwiza bw’umugore.

Uruhu rworoshye, indeshyo n’iminwa

Iyo umukobwa afite uruhu rwiza rworoshye, iminwa myiza ndetse n’indeshyo umusore yakunze, bidatinze uwo mukobwa ashobora guhita yigarurira uwo musore kuko aba yamaze kumushyira mu cyiciro cy’abakobwa beza kandi bakururura abagabo.

Ubutoya

Muri iyi si ya none abagabo bakururwa n’abakobwa bafite urubavu ruto, atari ukunanuka cyane na none kandi atari munini cyane.

Umutima mwiza

Iyo umukobwa agira umutima mwiza, usanga ahanini anasetsa bigatuma gukurura ibitekerezo by’abagabo bimworohera kuko abagabo benshi baba bashaka kuruhuka mu mutwe iyo babonye umuntu ubaganiriza neza akagerageza no kubasetsa bahita bamwiyumvamo rwose.

Ubwenge

Ubwiza bwiyongera ku bwenge ni ikintu abagabo barebaho cyane kuko burya iyo umukobwa ari mwiza ariko mu mutwe nta kigenda biba bipfuye imbere y’umugabo. Iyo rero umukobwa abifite byombi biramworohera gukurura kuburyo bworoshye abagabo.

Ubunyangamugayo no kugaragaza urukundo

Ku bagabo kugira ngo inzira zijyanye n’urukundo zigende neza ahanini areba uburyo umukobwa cyangwa se umugore yifata n’uburyo agaragaza urukundo, ibi bikiyongera ku buryo uwo mugore aba yakira abantu baza bamugana bituma abona ko azamukunda, akamwubaha kandi akanamubwiza ukuri.

Polisi yataye muri yombi pasiteri wagaragaye akubita abaturage mu rusengero. Video