Ni ibintu bisanzwe kumva ushaka kumenya byinshi ku muntu wakunze, ndetse ugendeye kuri ibyo bibazo ni naho umuntu ashobora guhera amenya ukuntu umuntu wamukunze uburyo yamukunze n’ingano y’urwo yamukunze. Dore ibibazo umuntu wakunze ariko atarabivuga akunda kubaza uwo yakunze.

1 UZAGIRA IKIRUHUKO RYARI?

Buriya umuntu ushaka ko musohokana cyangwa se mutemberana, nta kindi kintu aba akeneye kumenya uretse umunsi uzaba uri kuboneka, nk’iyo ufite akazi aba ashaka kumenya umunsu uzaboneraho ikiruhuko. Igihe bimeze bityo iyo umusangije gahunda yawe, biba na byiza kongeraho n’ibikuryohera nta wamenya ushobora gusanga musangiye umunsi.

2 ESE UKUNDA UMUKOBWA| UMUHUNGU UMEZE GUTE?

Buriya na mbere yo kuba yatekereza kugusaba ko mwasohokana, ikintu cya mbere agirira amatsiko ni ukumenya niba wowe umukwiriye kuba waba umukunzi we. Nakubaza gutyo biba byiza iyo umubwije ukuri, ariko ntukabye cyane kugira ngo ibyizere bitazamutwara, byanaba byiza umubwiye bike muri byo.

3 ARAKUBWIRA ATI” UBANZA UZWI N’ABANTU BENSHI. NIBYO?”.

Niwumva akubwiye gutyo, ntacyo bitwaye kwikiriza ariko umeze nk’uwishimiye ko bari kumurata amashimwe n’ibyubahiro. Gusa ntuzibagirwe kuguma uri umunyakuri. Buriya aho kwemera ko uzwi n’abantu benshi, wabihinyura umubwira ko atariko bimeze.

4 AKUBAZA UKO ABABYEYI BAWE BAMEZE (BYO GUSHAKA KUBAMENYA)

Kugira ngo akumenye neza, aba ashaka kumenya abakuzanye ku isi abo aribyo n’uko bameze. Rero niba udafite ikintu cy’umwihariko cyo kumubwira, ushobora kumubwira ko ababyeyi bawe bagushyizeho igitsure ariko nanone ukaba uri urubuto rwiza mu maso yabo.

5 “MBWIZA UKURI, ESE UBONA BYABA BIMEZE BITE TURAMUTSE DUKUNDANA?”

Iki gihe aba amaze igihe akwigaho ahubwo umutima we uba ugeze n’igihe yumva yiteguye. Nubwo ushobora gutwarwa n’ayo magambo akubwiye adaca ku ruhande, ariko ugomba kwitondera gusubiza, kubera ko kumubwira “yego” bishobora guhita bikugira umukunzi we byihuse.

Dore amasezerano abahungu bakunda guha abakobwa ariko bakabikora Atari uko babikunda| birababangamira cyane.