Dukuzimana Ignace Uhangayikiye kumenya niba umuhungu mukundana agukunda by’ukuri cyangwa akuryarya? Ushaka kumenya uko umuhungu mukundana yiyumva kugira ngo biguhe amahoro y’umutima ariko bikaba bitakoroheye kubimenya no kumenya uko akwiyumviira? Hano twaguteguriye ibihe umunani ushobora kuba urimo maze ukamenya ko umuhungu mukundana agukunda by’ukuri.
1 IYO URWAYE
Iyo urwaye, uko umuhungu mukundana akwitaho n’uburyo aguhangayikira bigaragaza uko akwiyumvamo. Iyo agukunda by’ukuri, abigira inshingano za mbere kukwitaho. Ku rundi ruhande, igihe umukeneye iyo agaragaje ko atakwitayeho cyangwa akaba akwitayeho gake, bigaragaza ko ari kugenda avamo gake gake.
2 IYO URIMO KUMUGANIRIZA KU BINTU BIGUSHISHIKAJE CYANGWA BIKWEREKEYEHO.
Iyo utangiye kumuganiriza ibigushishikaje haba kuri wowe, akazi cyangwa se ibibazo by’inshuti zawe, uburyo agutega amatwi bigaragaza uburyo agukunda n’ingano y’urwo agukunda. Urukundo rwe urwiyumvamo iyo inkuru yawe ayifashe byuzuye (seriously). Ku rundi ruhande, niba iyo uri kumubwira ibyawe aba yikorera ibindi nko kureba television cyangwa se yibereye muri phone, cunga neza bishobora kuba biri gukendera.
3 IYO MUHUYE MUGIYE GUTEMBERA
Ita ku kuntu umuhungu mukundana yitwara n’ibimenyetso akwereka iyo muhuye mugiye gutemberana cyangwa gusohokana kuko bishobora kukwereka ko agukunda by’ukuri. Nagusuhuza akwishimiye bizaba bigaragaza ko yari ashishikajwe ndetse yari ategerezanije kukubona amatsiko menshi. Ku rundi ruhande, nubona adashimishijwe no kukubona, bitamushishikaje cyangwa se ameze nk’ufite irungu kandi muri kumwe, uzahite umenya ko Atari ashishikajwe no guhura kwanyu.
4 IYO URI KWIZIHIZA ISABUKURU YAWE.
Uburyo umuhungu mukundana yita ku isabukuru yawe n’uburyo ayiha agaciro bigaragaza ko akwitayeho. Iyo apanze kuri buri gahunda yose irakurikizwa mu kirori cy’isabukuru yawe ndetse akanagutungura (surprise) utitaye ku masabukuru yose wagize, nta kabuza agukunda by’ukuri kandi akwitayeho. Ku rundi ruhande, niba yibagiwe isabukuru yawe n’umunsi iberaho, cyangwa se ukabona uburyo ari kubyitaho harimo ubunebwe, uzamenye ko atakikwiyumvira nka mbere.
5 IYO UTARI KUBASHA KUMUFATISHA KURI PHONE CYANGWA SE UBUTUMWA BUGUFI.
Iyo mumaze igihe cyangwa iminsi mutari kuvugana, uburyo akwitwaraho no gushaka kukuvugisha bishobora kukwereka ko akwitayeho. Urabizi ko umuhungu mukundana ahangayika iyo yakubuze n’uburyo akwitaho. Ku rundi ruhande, namara igihe atakuvugishije kandi uziko hari uburyo, uzamenye ko urukundi rwatembye.
6 IYO UMUTUNGUYE UKAMUBWIRA UTI” NDASHAKA KUKUBONA”.
Uburyo umuhungu mukundana yitwara iyo umubwiye ikintu kimeze nk’aho ari ukwikunda bigaragaza uburyo agukundamo. Iyo umuhungu mukundana yiyumvamo irungu ryawe iyo mutari kumwe uzamenye ko agukunda cyane. Ku rundi ruhande, nagusunikira ku ruhande nko kukubwira ati” ndahuze”, uzamenye ko yagutereye appetite.
7 IYO UMUBWIYE UMUTUNGUYE UTI” ESE URANKUNDA?”.
Iyo ubwiye umuhungu mukundana umutunguye uti” ese urankunda?” biguha amahirwe yo kwiga ku buryo akwiyumvamo. Nubimubaza akakwereka ko ameze nk’aho bimubangamiye ukuntu, uzamenye ko ibyiyumviro bye kuri wowe bidakomeye. Gusa nanone, ugomba kumenya neza ko umuhungu mukundana adatewe isoni no kuba yagusubiza ko agukunda by’amasoni y’abantu (shy). Ibi bisaba ko witonda neza ku buryo witegereza.
8 IYO UMUSABYE KUMWEREKA ABABYEYI BAWE
Bishobora kukwereka uko umuhungu mukundana agufata iyo umusabye ko wabonwa n’ababyeyi be. Byanga byakunda iyo yifuza kuzabana nawe no kuzagirana ahazaza nawe arabyemera. Ku rundi ruhande, iyo umuhungu mukundana yirinda cyane ko muganira ku hazaza hanyu akirinda no kuba yahura n’ababyeyi bawe, biba bigaragara ko ibyanyu atabirimo nk’uko Love dukesha iyi nkuru babitangaza.
Dukuzimana Ignace 