Umugore cyangwa se umugabo afata umwanzuro ukomeye rimwe igihe ahisemo uwo bazabana akaramata.ibi rero bisaba ubwitonzi buhambaye ndetse no gutekereza cyane icyo gukora mu gihe cya nyacyo. Bityo mbere yo kubana hari ibintu baba bagomba gukurikiza kugira ngo basigasire umunezero w’umuryango wabo igihe cyose.

1.Gukora ubukwe ushingiye ku mutungo ufite

Mu gihe cy’ubukwe abantu benshi basanga baraguye mu bihombo kubera guharanira gushimisha abantu, bigana ubukwe bwo kwa runaka kandi batanganya umutungo.abagiye gukora ubukwe bagomba gupanga ubukwe bwabo neza ndetse bakazirikana ko nyuma y’ubukwe hari ubundi buzima.iyo uramutse uteguye nabi ubukwe bitajyanye n’umutungo wawe, usanga bivuyemo guhora ku gitutu.

2.Ubukwe bwiza si igisobanuro cy’uko urushako rwabaye rwiza

Kugira ubukwe bwiza ntibivuze ko urushako rwabaye rwiza, iyo ubukwe bwagenze neza ni uko uba washoboye gushimisha abitabiriye, ntibisobanuye ko ibyo murugo byose byakemutse ahubwo bigomba kuguha isomo kuko urushako rutangira nyuma y’ubukwe. Gushaka neza ndetse ukabaho wishimye ni ikindi kintu kandi kiraharanirwam

3.ihe intego ko ubuzima utangiye n’umunezero ubyishimiye

Mu gihe cy’ubukwe abagiye kurushinga baba bafite ibyishimo, ugomba kubyishyiramo ko uwo munezero uzawukomezanya  ukagumaho iteka ryose.uzirikane ko kandi kugira umuryango wishimye biraharanirwa hari n’ubwo bisaba gukora cyane.

Abantu benshi bakunda gupanga ubukwe, ariko ukumva basa n’abatazi ko hari indi minsi nyuma y’ubukwe bwabo. Ugomba kumenya ko nyuma y’ubukwe abo washimishije bose baragusiga bakagenda ugasigara utangira ubuzima bushya.bityo rero n’ugupanga ubukwe ariko uzirikana ko nyuma yabwo hari ubundi buzima.