Dukuzimana Ignace
507
U Rwanda ni igihugu cyayobowe n’ingoma z’abami igihe kirekire, nubwo umwami yagiraga abagore benshi, havagamo mwe akaba umwamikazi. Umwamikazi nta bubashak yagiraga mu ifatwa ry’ibyemezo, keretse gusa umuhungu we iyo yimaga ingoma, akaba umugabekazi.
Umwamikazi yabaga ari mu banyacyubahiro bakomeye I Bwami, yaherekezaga umwami mu birori bitandukanye. Umwamikazi ROSALIYA GICANDA yari umugore w’umwami Mutara III Rudahigwa. Dore ibintu wamenya ku mwamikazi Rosaliya Gicanda.
- Rosaliya Gicanda yakomokaga mu muryango w’abanyiginya.
- Rosaliya Gicanda yavutse mu mwaka wa 1928
- Rosalie Gicanda yavukiye I rwamagana.
- Rosalie Gicanda yakuze ari umukobwa w’imico myiza, mwiza kandi ugira isoni.
- Yashyingiranwe n’umwami Mutara III Rudahigwa tariki 13/01/1942
- Amaze kurongorwa n’umwami nibwo yahawe izina ry’umwamikazi.
- Umwamikazi Rosaliya Gicanda yari umugore wa kabiri w’umwami.
- Umwamikazi Rosaliya Gicanda yabanye n’umwami kugeza mu mwaka wa 1959.
- Umwamikazi Rosaliya Gicanda yafashije nyakubahwa Paul Kagame guhunga hamwe n’umuryango we mu 1961
- Mu 1961, perezida Gregoire Kayibanda yirukanye umwamikazi I Nyanza.
- Umwamikazi Rosaliya Gicanda yimukiye I Huye (Butare), aho yabanaga n’umubyeyi we ndetse n’abandi bana yareraga.
- Umwamikazi Rosaliya Gicanda yazize jenoside yakorewe abatutsi muri mata 1994
- Umwamikazi Rosaliya Gicanda yishwe tariki ya 20/ mata 1994
- Umwamikazi Rosaliya Gicandayicanwe n’abandi bagore b’inshuti ze batandatu n’abo mu muryango we.
- Umwamikazi Rosaliya Gicanda n’abandi barasiwe imbere y’ingoro ndangamurage y’imibereho y’abanyarwanda I Huye.
- Yishwe ku itegeko rya Lieutenant Pierre Bizimana na Dr Kageruka wari umuganga mu bitaro bya kaminuza ya Butare.
- Amabwiriza yo kubica yari yatanzwe na capitain ildephonse Nzeyimana.
- Umwamikazi Rosaliya Gicanda aruhukiye I Mwima ya Nyanza.
- Umwamikazi Rosaliya Gicanda yapfuye afite imyaka 66.
- Umwamikazi Rosaliya Gicanda niwe mwamikazi wa nyuma w’u Rwanda.
Umuhanzikazi Cecile Kayirebwa yamuhimbiye indirimbo inyange muhorakeye, hari aho agira ati” mu biganza bigaba amariza wari umubyeyi tukagusanga, nongenre ngire nti karame uhoranye ituze”. Ni inkuru dukesha imirasire com.
Dukuzimana Ignace 