Umukinyi wa filime nyarwanda Niyonshuti Yannick wamenyekanye nka Killer Man avuga ko hari abantu batangiye koherereza umugore we ubutumwa bugufi kuri telephone bamubwira ko umugabo we aryamana na Miss Nyambo bakunda gukinana muri izo filime.

Killer Man yabwiye abo bantu abinyujije mu itangazamakuru ko yiyamye abantu bose bajya mu matwi umugore we bakamubwira ko aryamana na Miss Nyambo ndetse avuga ko baba bahujwe n’akazi gusa,Killer Man yakomeje avuga ko abo ari abantu baba bamugira ishyari ku terambere amaze kugeraho ndetse ko akunda umugore we cyane atamureka ahubwo ngo atuze arye ifaranga kuko ubuzima bwahindutse.

Umugore wa Killer Man yakiriye ubutumwa bugira buti” Nagiraga ngo nkubwire ko umugabo wawe na Miss Nyambo baryamana” abafite gahunda yo guhungabanya umuryango wa Killer Man yabakuriye inzira ku murima ahubwo birangira abagira inama yo kureba ibibareba.

Killer Man yasoje avuga ko afata Miss Nyambo nk’umwana we cyangwa umuvandimwe we, kuko ureste akazi kabahuza afite umuryango we kandi akunda ko atazigera aca umugore we inyuma  nkuko bikomejwe guhwihwiswa.