Producer Ayoo Rash, abinyujije ku mbuga nkoranyambaga ze, yahishuriye abamukurikira ko umuryango we wishimiye kwakira imfura yabo bibarutse kuri uyu wa 13 Werurwe 2023. Producer Élisée Raha wamenyekanye nka Ayoo Rash n’umufasha we Shiphrah Niyotwizeye bakoze ubukwe ku wa 10 Ugushyingo 2022. Aba bombi basezeraniye imbere y’amategeko ku biro by’Umurenge wa Kimihurura.  Bijoux Aline yatekewe imitwe na Sentore Lionel abamuciraga urubanza bamusaba imbabazi

Mu butumwa yanyujije ku mbuga nkoranyambaga, Ayoo Rash, yagaragaje ko we n’umufasha we bibarutse umwana w’umuhungu. Yagize ati “Urakaza neza mwami!” Ayoo Rash n’umugore we bise imfura yabo Abriel Rash Leyenda.

Producer Ayoo Rash yinjiye neza mu mwunga wo gutunganya indirimbo mu 2019 nyuma y’igihe acuranga mu rusengero. Ni umwe mu ba producer bagezweho muri iki gihe aho yakoze indirimbo nyinshi zakunzwe ziyobowe na ‘Away’ ya Ariel Ways na Juno Kizigenza, ‘La Vida Loca’ ya Ariel Wayz, ‘Please Me’ ya Juno Kizigenza, ‘Bella’ ya Mr Kagame n’izindi nk’uko Igihe babitangaje.

https://www.instagram.com/p/Cpu2tYStL-b/?utm_source=ig_embed&ig_rid=b73510c9-0204-4979-b469-4820ed49a697