Uterus Didelphys ni indwara ituma umugore agira nyababyeyi 2 ndetse akagira n’ibitsina bibiri. Abagore bahura n’ibizazane byinshi byagera ku myororokere akaba aribo baharirwa hafi 90% kubyerekeye umwana. Nubwo bimeze bityo hari bamwe mu babyeyi barwara indwara ishobora gutuma bagira ibitsina 2 ndetse na nyababyeyi 2 ariko ugasanga ntibazi ibyaribyo ndetse n’ababegereye ntabyo bazi.

Iyi ndwara yitwa Uterus Didelphys nanone izwi nka ‘Double Uterus’ cyangwa Double Vagina. Ni ubusembwa bugaragara k’umugore mu gihe ‘Embryo’ irimo gukura. Iyi ndwara ituma habaho nyababyeyi 2 n’ibitsina 2. Ikinyamakuru cyitwa Health.com kigaragaza ko iyo ibi bibaye k’umugore bituma ajya mu mihango incuro 2 mu kwezi kumwe.

Bakomeza bavuga ko bene uwo mugore ashobora kuva cyane ndetse no kubabara cyane bishobora no gutuma inda ivamo. Ikinyamakuru cyitwa “Healthline” na cyo kigaragaza ko umukobwa ufite iki kibazo adapfa guhita abimenya gusa basobanura ko iyo uyu mukobwa ageze mu myaka 18, ashobora kuva cyane, kuribwa akaba yanarwara ‘Infection’.

Umugore ufite iki kibazo ahura n’ingorane zo kuba yatwita inda ikavamo. Urubuga rwa Google ndetse n’izindi twagarutseho haruguru mu nkuru, zigaragaza ko abagore bagirwa inama yo kwirinda no kurinda ubuzima bwabo kugira ngo birinde iyi ndwa ya ‘uterus didelphys’.

IBIBAZO BYINSHI BYIBAJIJWE KURI IYI NDWARA N’IBISUBIZO BYABYO ABAGANGA B’ABAHANGA BATANZE: my.clevelandclinic.org

1. Ese ‘uterus didelphys’ iravura igakira? Yego, gusa abajyanama b’abaganga ntago bajya inama yo kuyivuza mu gihe nta bimenyetso bigaragara nko kuba inda ivamo cyane. iyo habayeho kubagwa ngo bahuze uterus ebyiri bishobora gutuma uterus yawe isigara idakomeye. gusa nanone ugira imibonano mpuzabitsina ukababara, ugirwa inama yo kubagwa.

2. Ni gute umuntu yakwirinda uterus didelphys? Ntago kuyirinda bishoboka kubera ko yo ubwayo yirema iyo ataravuka akiri gukorwa munda ya nyina. abahanga b’abaganga ntibaramenya impamvu iyi ndwara ibaho cyangwa se niba ari uruhererekane rw’umuryango.

3. Ese uterus didelphys ishobora gutera ubugumba? yego, uterus didelphys itera ubugumba ku bantu bamwe na bamwe. akenshi, uburyo uterus yawe iteye ‘Shape’ ntago ikubuza gutwita ariko ishobora gutuma inda ivamo.

4. Ese inda zizajya zihora zivamo kubera ko ndwaye uterus didelphys? Ntago inda zivamo kubera ko ufite uterus didelphys, ariko iyo uyifite uba ufite amahirwe menshi cyane y’uko inda zizajya zivamo. impamvu ntayindi ni uko Uterus yawe iba ari ntoya, ikabangamira ugukura kwa ‘Fetus’ yawe.