Umukobwa uri gukoresha amazina Asifiwe Liesse ku rubuga rwa X rwahoze ari twitter, aravuga ko hari umusore bakundanaga agakunda kuza kumusura kenshi yiyitiriye kuba ari umusirikare bikarangira amucucuye byose byo mu nzu yari yamutije. Imyirondoro Asifiwe yashyize hanze y’uwo musore urebeye ku ndangamuntu ye ni Kubwimana Eric wafatiye indangamuntu mu murenge wa Nyagatare mu karere ka Nyagatare.

Asifiwe yandikiye polisi na RIB agira ati “Muraho neza? Uyu musore twarakundanaga akajya aza kunsura akiyitirira ko ari umusirikare, rimwe na rimwe yarampamagaraga ngo nimuhe aho kuruhukira nkamwizera nkamutiza inzu yanjye akaba ari ho aryama kubera ko  nabaga ndi mu kazi, naratashye nsanga ibikoresho byanjye byose yabyibye.”

Uyu mukobwa Asifiwe yakomeje asaba izi nzego z’umutekano ko zamufasha zigakurikirana uyu musore, ati “Mumfashije mukamukurikirana mwaba mukoze kubera ko wasanga Atari njye njyenyine yaba yarabikoreye, agenda ababwira ko ari umusirikare hakaba hari n’abandi bameze nka njye.”

Urwego rw’Ubugenzacyaha RIB rwahise rusubiza uyu Asifiwe ko yajya gutanga ikirego kuri sitasiyo ya RIB imwegereye kugira ngo batangire babikurikirane.

Muraho neza @RIB_Rw uyumusore twarakundanaga akaza kunsura akiyitirira ko arumusirikare rimwe narimwe yaramamagaraga ngo nimuhe ahokuruhukira nkamwizera nkamutiza inzu yajye akaba ariho aryama kuberako nabaga ndimukazi jyewe naratashye nsanga ibikoresho byajye byose yabyibye. pic.twitter.com/j11aFtMjat

— ASIFIWE liesse (@AsifiweLiesse) October 5, 2023