‘Reincarnation’ ni imyizerere usanga mu madini ndetse n’imigenzo ya filozofiya ivuga ko ubugingo budapfa (Soul) cyangwa se roho y’umuntu cyangwa se ubuzima bwe buvukira bundi bushya mu mubiri mushya nyuma y’uko uwo muntu apfuye. Ibi bivuga ko ibi bikomeza kubaho byizengurukaho buri uko ubuzima bwa cya kinyabuzima umuntu yavukiyemo bupfuye, roho ye igakomeza kugenda ivukira ahandi uko ibihe bigenda bisimburana.

Inyito nyayo ya ‘Reincarnation’ igenda igira agaciro bitewe n’imico y’abayizera kimwe n’amadini. Hano twifashishije ingingo zakusanyijwe na ChatGPT ku gisubizo cy’icyo ‘Reincarnation’ aricyo, usanga bikubiye muri izi ngingo 4 zikurikira:

URUHEREREKANE RWO KUVUKA NO KUVUKA BWA KABIRI: uku kuvuka bwa kabiri (nyuma y’uko umuntu apfuye) bisobanura ko roho inyura mu ruzinduko rwo kuvuka, ubuzima, urupfu ikabona kuvuka bwa kabiri. Uru ruzinduko rukomeza kugeza ku rwego runaka rw’iterambere ry’ubugingo budapfa (wa roho) cyangwa se nanone ikagera ku ngaruka z’icyo bita intego ya ‘Karma’ (Ni ukuvuga no igera aho ibikorwa bya roho y’umuntu bitangira kwakira ingaruka z’ibyo yakoze ikiri mu mubiri muzima).

KARMA: imyizerere myinshi igendanye n’ukuvuka bwa kabiri (nyuma y’urupfu) ifitanye isano cyane n’igitekerezo cya KARMA, icyo gitekerezo kivuga ko ibikorwa by’umuntu mu buzima bwe bwose bigira ingaruka ku mibereho ye no mu buzima bw’ejo hazaza. Ibikorwa byiza biganisha kuri Karma nziza, n’ibikorwa bibi biganisha kuri Karma mbi.

KWIMUKA (transmigration): Mu buryo bwo kwizera bumwe cyangwa ubundi, roho ntabwo ishobora kuvuka byanze bikunze ubwa kabiri nk’umuntu ariko ishobora kwimuka mu buryo butandukanye. Ishobora kongera kuvukira mu buryo bw’inyamaswa cyangwa se ibindi biremwa bitewe n’uburyo bwa ‘karma’ yateganirijwe.

ITERAMBERE CYANGWA KUMURIKIRWA: intego nyamukuru mu myizerere myinshi y’ukuvuka bwa kabiri ku babyizera, ni ukwibohora icyuho kiri hagati yo kuvuka no kongera kuvuka ubwa kabiri nyuma yo gupfa maze hakabaho imurikirwa ry’umwuka (spirit) cyangwa se kubona ubwingenge kwayo. Urugero nko mu bahindu ni Moksha, aba buda ni Nirvana. Uku kwibohora kujyana ko gutandukana n’iyi si ifatika hakabaho kugera ku bumwe n’ubwenge bw’Imana cyangwa ubw’isi.

Kuvuka bwa kabiri (Reincarnation) bifitanye isano cyane cyane n’amadini nk’abahindu, ababuda, abayayini, hamwe n’ibihe bishya (New age) mu bisekuru cyangwa se imyizerere yo mu mwuka. Ikintu ugomba kumenya ni uko imigenzo yose y’amadini cyangwa se imico ya filozofiya itizera ukuvuka bwa kabiri ikindi hakabaho imyizerere n’ibisobanuro bitandukanye ku babyizera.

Ikindi nakubwira ni uko ibitekerezo bya siyansi bidashyigikira igitekerezo cyo kuvuka ubwa kabiri kubera ko habuze ibimenyetso bifatika byemeza ko ubuzima bwahise cyangwa kubaho k’ubugingi budapfa (Soul) buva mu mubiri bujya mu bundi.