Antoine Karidinali Kambanda yatangaje ko Kiliziya Gatolika mu Rwanda yifatanyije na Kiliziya y’isi mu kababaro kubera urupfu rwa Papa Benedict XVI witabye Imana azize uburwayi yari amaranye igihe. Mu izina rya Kiliziya Gatolika yo mu Rwanda, Antoine Cardinal Kambanda, Arkiyeskopi wa Arikidiyosezi ya Kigali, abinyujije kuri Twitter yanditse ubutumwa bugaragaza ko abakirisitu Gatolika batangiye amasengesho kubera kunamira Papa Emeritus Benedict

Agira ati “Twifatanyije na Kiliziya yose gusabira Papa Benedigito XVI wari mu kiruhuko cy’izabukuru umaze kwitaba Imana mu kanya. Nyagasani amwakire mu mahoro. Urugamba rwiza yararurwanye ukwemera yagukomeyeho none Imana imugororere ikamba ry’Intungane.”

Uyu munsi kuwa gatandatu nibwo Vatican news, yemeje ko Papa uri mu wari mu kiruhuko cy’izabukuru Papa Benedict XVI yatabarutse mu gitondo Saa satu n’iminota 34. Papa Benedict XVI yapfiriye aho yabaga i Vatican ahitwa Mater Ecclesiae Monastery. Mu kwaka wa 2013 ni bwo Papa Benedict XVI yeguye kubera uburwayi atangira ikiruko cy’izabukuru asimburwa na Papa Francis. Source: Inyarwanda.

Dore zimwe mu ntambara zishingiye ku madini zabiciye bigacika.