Umunyamideri uri kugenda amenyekana mu gihugu ndetse akaba amaze kwigarurira imitima ya benshi, Alice Ishimwe umaze kumenyakana nka Alice La boss, ni umukobwa umwe mu bazagaragara muri filime nshya ya Alliah cool igiye kujya hanze. Hashize igihe gito cyane Alliah cool asohoye agace gato ka filime ye (trailer) aho agaragara atongana n’umukunzi we, ndetse abamukurikira bamwereka ko bakishimiye cyane.    Imodoka Bahavu Jeannete yatsindiye mu nzira zo kuyiha Bamenya

Amakuru ahari ni uko iyi filime iri hafi gusohoka mu gihe kidatinze, ikaba ari filime izagaragaramo Alliah cool akaba ari n’iye, Yvette Camille akaba n’umwe mu bagore bahuriye mu itsinda rya Kigali boss babes rimaze iminsi rivugisha benshi. Harimo kandi abandi benshi barimo n’uyu Alice La boss ukomeje kubaka izina umunsi ku munsi.

Alice La boss nubwo ari umunyamideri ariko abifatanya n’ubushabitsi aho afite kompanyi yitwa Axis Logistic ndetse n’ibindi bikorwa bitandukanye akora, aho anakunda kugaragaza ku mbuga nkoranyambaga ze yatembereye mu bihugu bitandukanye by’isi ariko higanjemo Afurika cyane, ndetse agakunda no gutemberera I Dubai.