Kuri uyu wa 28 gicurasi 2022 umukino wa nyuma uhuza amakipe yatsinze muri kimwe cya kabiri cy’irushanwa rya UEFA champions League 2021-2022 ikunze kwitwa zirige ariyo REAL MADRID yo mu gihugu cya Espagne ndetse na LIVERPOOL yo mu gihugu cy’ubwongereza nibwo wabaye, aho wabereye mu gihugu cy’ubufaransa kuri stade ya nkuru y’igihugu cy’ubufaransa.

Uyu mukino wari uteganijwe gutangira saa tatu zuzuye za hano mu gihugu cy’U Rwanda ariko kubera ko abafana batinze kugera muri stade umukino wakereweho iminota 30. Uyu mukino wari injyanamuntu kubera ko amakipe yombi yari ahanganye akomeye cyane, kubera ko Atari ubwa mbere banahuriye kuri final ubwo REAL MADRID yatwaraga igikombe.

Real madrid imaze gutwara ibikombe 14 bya UEFA champions League mu mikino 15, mu gihe Liverpool imaze gutwara ibikombe 5. Muri uyu mukino Real madrid yari iri gukinisha system ya 4-3-3. Abakinyi babanje mu kibuga: Courtois, Carvajal, Edel militao,Alaba, Mendy, Kroos, Casemiro, Modric, Valverde, Benzema na Vini Jr, mu gihe Liverpool nayo yakinishije system ya 4-3-3 n’abakinnyi babanje mu kibuga: Alisson, Alexander-Arnold,Konate, Van dijk,Robertson, Handerson, Fabinho, Thiago, Salah, Mane na Diaz.

Igice cya mbere cy’uyu mukino cyarangiye ku makipe yombi ari ubusa ku busa, gusa bavuye kuruhuka ku munota wa 59 Vini Jr afungura amazamu aho yahise atsindira Real madrid igitego cya mbere ari nacyo cyahaye Real Madrid igikombe cya 14 cya UEFA champions league bakomeza kwandika agahigo ko nta kipe ibarenze muri iri rushanwa.

DORE ABAKINNYI BATSINZE IBITEGO BYINSHI KUVA IRUSHANWA RYATANGIRA KUGERA KURI FINAL

1.Kalim Benzema ukinira Real madrid n’ibitego 15

2.Robert Lewandowski ukinira Bayern Munchen n’ibitego 13

3.Sebastien Haller ukinira Ajax n’ibitego 11

4.Mohamed Salah ukinira Liverpool n’ibitego 8

5.Christopher Nkunku ukinira RB Leipzig na Riyad Mahrez ukinira M. city banganya ibitego 7.

DORE UKO AMAKIPE YARI APANZE MU MATSINDA

ITSINDA A harimo Man.city, PSG, RB Leipzig na Club Brugge

ITSINDA B harimo Liverpool, Atletico madrid, Porto na Milan

ITSINDA C harimo Ajax, Sporting, Dortmund na Besktas

ITSINDA D harimo Real madrid, Inter, Sheriff na Shaktar Don

ITSINDA E harimo Bayern, Benfica, Barcelona na Dynamo Kyiv

ITSINDA F harimo Man united, Villareal, Atalanta na Young boys.

ITSINDA G harimo LOSC, RB Salzburg, Sevilla na Wolfsburg.

ITSINDA H harimo Juventus, Chelsea, Zenit na Malmo.

DORE UKO AMAKIPE YATOMBORANYE MURI KIMWE CYA KANE

Benfica na Liverpool, Man city na Atletico madrid, Villareal na Bayern, Chelsea na Real madrid. Muri aya makipe ayasigaye yanahise ajya muri kimwe cya kabiri ni Man city, Real madrid, Villareal na Liverpool. Hano muri kimwe cya kabiri Man city yatomboranye na real madrid, noneho Villareal itomborana na Liverpool. Mu mukino wa kimwe cya kabiri Liverpool yasezereye Villareal ku bitego 5 kuri 2, naho Real madrid isezerera Man city ku bitego 6 kuri 5.

Aya makipe yombi Real madrid ndetse na Liverpool byahise bibona itike yo gukomereza ku mukino wa nyuma wabereye mu gihugu cy’ubufaransa. Wari umukino utoroshye na gato, gusa ariko byaje kurangira ikipe ya Real Madrid itwaye iki gikombe cya UEFA champions League ku gitego kimwe cyatsinzwe na Vini Jr ku busa bwa Liverpool ku munota wa 59 w’umukino.