Mu rukerera rwo kuri uyu wa kane, tariki 6 Nyakanga 2023, ikipe y’igihugu ya Basketball yahagurutse I Kigali yerekeza I Luanda muri Angola mu mikino ya AfroCAN. Iyi kipe yahagurutse ku kibuga cy’indege I Kanombe saa saba n’iminota 45, igizwe n’abakinnyi 12.

Biteganijwe ko iyi kipe igera I Luanda muri Angola saa sita n’iminota 25 z’amanwa, akaba ari saa saba n’iminota 25. Abakinnyi 12 ikipe yajyanye, ni Nshobozwabyosenumukiza Jean Jaque Wilson, Furaha Cadeaux de Dieu, Manzi dan, Ndayizeye Ndayisaba Dieudonne, Hagumintwari Steve, Kendal Gray, William Robyens, Rutatika Sano Dick, Ntore Habimana, Ngabonziza Patrick, Turatsinze Olivier na Kazeneza Emile Galoi.

U Rwanda ruri mu itsinda rya gatatu hamwe na Tuniziya na Marocco. Ni inshuro ya mbere u Rwanda rwitabiriye iyi mikino igihe kuba ku nshuro ya kabiri, igikombe giheruka kikaba cyaregukanwe na Repubulika iharanira Demokarasi ya Congo muri 2019.