Kuwa 22 gashyantare 2023, Imbwa yo mu rugo rumwe rwo mu karere ka Rubavu, Umurenge wa Rugerero, akagari ka Kabirizi, umudugudu wa Nyamiyiri, yinjiye mu nzu irya ubugabo bw’umwana witwa Ntwari Justin wo muri urwo rugo ubwo abari bashinzwe kumureberera bari barangaye ntibamenya ko yinjiye mu nzu.  Umugabo n’umugore babuze ubwisanzure bwo guterera akabariro aho batuye bafata umwanzuro uhindura ubuzima bwabo.

Umuvugizi wa polisi y’u Rwanda mu ntara y’iburengerazuba CIP Mucyo Rukundo, yatangarije Koffito tv ko ubwo iyi mbwa yaryaga ubugabo bw’uyu mwana, abari bari hafi bumvise arimo gusakuza bakabona kuza gutabara, gusa yatangaje ko hari abantu bari gukekwa ko baba bararangaye imbwa ikinjira mu nzu ikarya ubugabo bw’uwo mwana.

Yagize ati “hari umukozi wo muri urwo rugo ndetse n’umwana w’umuturanyi rw’aho ngaho barafunze mu buryo bwo kubakoraho iperereza, kubera ko ari uburangare bwabaye, gusa ubwo polisi yamenyaga ayo makuru yahise ihagera imbwa barayica, kubera ko nubwo ari itungo ariko iyo ikora ibintu nk’ibyo ntago biba bikwiriye ko iguma ari nzima.”

Yakomeje avuga ko uyu mwana yahise ajyanwa kwa muganga kuri ubu akaba arwariye mu bitaro bya CHIK, anakomeza avuga ko abantu bose bafite amatungo, nubwo ari amatungo ariko nta bwenge aba afite bityo bagomba gukora ibishoboka byose bakajya bayagumisha mu biraro byayo kugira ngo birinde ibyago.