Dukuzimana Ignace Imodoka eshatu zahiriye mu igaraje iherereje mu murenge wa Gatsata mu karere ka Gasabo zirakongoka. Ibi byabaye kuwa 11 Nyakanga 2023 mu igaraje bita Icyerekezo ahagana saa tanu z’amanwa.
Ababonye iyi mpanuka, babwiye Igihe dukesha iyi nkuru ko iyi nkongi yatewe n’ibibazo by’umuriro w’amashanyarazi, ariko banashimangira ko imodoka zizimya inkongi iyo zihagera vuba, izi modoka zose zitari gushya ngo zikongoke.
Iyi nkongi ikimara kuba imodoka za polisi zishinzwe kuzimya umuriro zahise zihagera zirazimya n’izindi zitarafatwa. Ni nyuma y’uko n’ubundi kuri uwo munsi mu mujyi wa Kigali hari habaye inkongi zitandukanye, harimo iyafashe agakiriro ka Zindiro, ndetse n’iyafashe inyubako yakoreragamo ikinyamakuru Imvaho nshya. Izi nkongi zatikiriyemo ibintu bifite agaciro gasaga miliyoni 200 z’amafaranga y’u Rwanda.
Dukuzimana Ignace 