Mu gitondo cyo kuri uyu wa Mbere tariki 23 Nzeri 2024, mu Karere ka Rubavu mu Murenge wa Nyakiliba, habereye impanuka y’imodoka yari itwaye ibinyobwa bisembuye by’uruganda rwa Bralirwa, abari hafi aho bashakaga kuzinywa Polisi irabakomakoma.https://imirasiretv.com/nyagatare-umugabo-ufite-abagore-batatu-akurikiranyweho-gusambanya-umwana-wimyaka-17-wabaga-mu-gipangu-cye/

Iyi mpanuka yabereye mu rugabano rw’Umudugudu wa Rugerero mu Kagari ka Gikombe ndetse n’Umudugudu wa Bweza mu Kagari ka Bisizi muri uyu Murenge wa Nyakiriba. Abari aho yabereye bavuze ko umuryango w’inyuma w’iyi modoka itwara ibinyobwa bya Bralirwa, wafungutse, ubundi amakaziye n’amacupa bigahita byibarangura mu muhanda.

Uwatanze amakuru yakomeje avuga ko iyi modoka yerekezaga mu Mujyi wa Kigali aho yari ipakiye inzoga ziganjemo izo mu bwoko bwa Mutzig, ikaza gukora impanuka igeze munsi y’Ivuriro rya Nyakiliba. Yongereho ko Polisi y’u Rwanda ifatanyije n’inzego z’ibanze bihutiye kugera ahabereye iyi mpanuka, bakabuza abaturage kwirara muri izi nzoga, bashaka kuzijyamo bakazinywa. https://imirasiretv.com/nyagatare-umugabo-ufite-abagore-batatu-akurikiranyweho-gusambanya-umwana-wimyaka-17-wabaga-mu-gipangu-cye/