Akenshi mu rukundo bakunda kuvuga ko ‘abafite inkwi barya ibihiye’ bashaka kumvikanisha ko abasore bafite amafaranga aribo biharira abakobwa beza b’uburanga kuko baba bafite ibyo babaha, ariko nyamara si ukuri 100% kuko abasore badafite amafaranga, bakunze gutereta abakobwa beza kandi bakabemera. Dore impamvu abasore badafite amafaranga batereta abakobwa beza bakabemera:

ABA YIFITIYE ICYIZERE: umusore udafite amafaranga buriya asigara arwana n’izindi ngingo zose zamurengera, kuburyo ashobora kuburara ariko akajya muri gym gukora siporo kandi ibijyanye n’urukundo akabitunganya neza, ibyo bigatuma iyo agiye gutereta umukobwa agenda ashize amanga, bigatuma umukobwa yizera ibyo amubwiye akanabimukundira.

ABA AZI ICYO ASHAKA: umuhungu abantu baba babona ko adafite amafaranga burya ku kintu cyose yiyemeje aragikora kandi kigakunda kuko aba azi icyo ashaka. Hari n’igihe kwerekana ko adafite amafranga mu by’ukuri aba ari ubushake bwe bitewe n’uko ashaka ko abantu bamufata.

ABA AZI GUKUNDWAKAZA: niba umusore adafite amafaranga kandi akaba ashaka kujya mu rukundo, urumva ari iki kindi cyamurengera kigatuma umukobwa amukunda? Rero niyo mpamvu umusore udafite amafaranga iyo ashaka gutereta umukobwa abanza kumenya byose akunda, kandi akabikora atizigamye kuburyo uburyo yamukundwakajemo bishobora gutuma umukobwa amukunda cyane, dore ko aribyo abakobwa bakunda.