Umwana witwa Rudakubana Muganwa Axel w’imyaka 17 y’amavuko, ni we ukekwaho gutera icyuma abantu 10, hagapfa abana batatu ubwo bari mu ishuri ryo kubyina mu gace ka Southport mu mujyi wa Merseyside mu Bwongereza nk’uko byatangajwe n’umucamanza nyuma y’uko byari byaragizwe ibanga. https://wp.me/pdC7Oe-815

Ibinyamakuru byinshi byo muri kiriya gihugu byanditse kuri iyi nkuru, aho nka The Guardians yatangaje ko iki gitero cyabaye ku wa Mbere tariki 29 Nyakanga 2024, ubwo Rudakubana yakomeretsega abana umunani ndetse n’abantu bakuru babiri. Iki gitero cyahise kigwamo abana batatu aribo Alice Dasilva Aguiar w’imyaka icyenda y’amavuko, Bebe King w’imyaka itandatu y’amavuko na Elsie Dot Stancombe w’imyaka irindwi y’amavuko.

Kuri uyu wa Kane tariki ya 01 Kanama 2024, ni bwo uyu mwana uzuzuza imyaka 18 ku wa Gatatu w’icyumweru gitaha, yitabye urukiko rw’i Liverpool. Amakuru avuga ko ubwo yazanwaga ku Rukiko yaje mu modoka yijimye yo mu bwoko bw’i Van arinzwe n’abapolisi benshi. Icyakora amazina ye yari yabanje kugirwa ibanga kuko ataruzuza imyaka y’ubukure, ariko umucamanza Andrew Menary avuga ko kugira ngo bace ibihuha muri rubanda akwiriye gutangazwa amazina ye.

Nyuma y’uko habeye icyo gitero cyahitanye abantu batatu, hahise haba imyigaragambyo ikomeye imbere y’Umusigiti uherereye i Liverpool, aho abaturage bari baketse ko uwo ukekwaho guhitana abana yaba hari aho ahuriye n’abakora iterabwoba.

Uyu mwana yavukiye i Cardiff mu Bwongereza. Azongera kujya mu Rukiko rw’i Liverpool tariki 25 Ukwakira 2024, asomerwa ibyaha arengwa ari nabwo urubanza mu mizi ruzatangira. https://imirasiretv.com/umuyobozi-wikigo-cyishuri-yashyize-murumuna-we-utari-umwarimu-ku-rutonde-rwabakosora-ibizamini-bya-leta/

Abana bikekwa ko bishwe na Rudakubana w’imyaka 17 akoresheje icyuma