Mu gitondo cyo kuri uyu wa Gatanu tariki 13 Nzeri 2024, Perezida wa Gasogi United, Kakooza Nkuriza Charles wamanyekanye nka KNC, akaba n’umuyobozi wa Radio/TV1, yasabye umunyamakuru Munyengabe Murungi Sabin n’umuryango we kwiyambaza inzego z’ubutabera nyuma yo kubona ibikomeje kumukorerwa ku mbuga nkoranyambaga zitandukanye. https://imirasiretv.com/umugore-wa-murungi-sabin-yashimangiye-urwo-akunda-umugabo-we-bikomeje-kuvugwa-ko-aherutse-kumuca-inyuma/

Binyuze mu kiganiro Rirarashe gitambuka kuri Radio1, KNC usanzwe ari n’umunyamakuru yavuze ko Sabin akomeje gukorerwa ihohoterwa aharabikwa ku mbuga nkoranyambaga bityo akwiriye gushaka umunyamategeko bagatanga ikirego kuko ari gukorerwa ibyaha. Ati “Abamukoreye iryo hohoterwa bamukurikirana kugera aho avunitse, yabaye umugabo akaza akarega akavuga ati barampohoteye.”

Yakomeje agira ati “Ikigaragara si umugore we bafitanye isezerano wareze, detse si n’umugabo w’uwo mugore wareze, ubundi niba ari izina baryandagaje naveyo ashake umunyamategeko arege amategeko aramurengera, kandi ikigaragara ntiyafatiwe mu cyaha.”

KNC avuga ko abakomeje gukwirakwiza aya mashusho bavuga ko ari aya Sabin kandi nta gihamya bafite cyerekana ko avuye gukora icyaha. Yakomeje asaba umugore wa Sabin ndetse n’uwo mugore uvugwa ko bari kumwe ko na bo bakwiriye gutanga ikirego kuko bari gukorerwa ibyaha. KNC kandi yaburiye abakomeje gusakaza aya mashusho kubihagarika batazisanga muri ibi byaha bikitwa ubufata cyaha mu guharabika umuntu.

Uyu munyamakuru atangaje ibi mu gihe ku munsi w’ejo ku wa 12 Nzeri 2024, kuri shene ya YouTube ya Yago Tv Show, hagaragaye umugabo witwa John yiyemerera ko ari we wafashe ariya mashusho ndetse ahamya ko ari aya Sabin koko. Uyu mugabo na we yavugaga ko atishimiye kubona umugabo winjiriye urugo rw’undi mugabo mugenzi we abona atakomeza kureberera ibiri kuba niko gufata ariya mashusho. https://imirasiretv.com/umugore-wa-murungi-sabin-yashimangiye-urwo-akunda-umugabo-we-bikomeje-kuvugwa-ko-aherutse-kumuca-inyuma/