Ingeso y’ubuhehesi n’ubukene biri mu bituma abasore benshi badasha kujya mu rukundo bibaganisha ku gushinga ingo ngo bagire imiryango yabo nk’uko ubushakashatsi bwakozwe mu mwaka wa 2022 bwabigaragaje.  Ni ubushakashatsi bwakozwe n’abarimu babiri bo muri kaminuza ya Nicosia muri Chypres, Menelaos Apostolou ndetse na Rafaella Philippou. Wari uzi ko kuba wenyine byongera agahinda gakabije ku kigero cya 42%?

Ubu bushakashatsi kandi bwagaragaje ko kutigirira icyizere biri mu bituma abahungu bihunza gukundana kuko baba bumva ko gushing ingo bidashoboka cyangwa bigoye ibi bigatuma bamara imyaka myinshi badafite icyizere ko bakubaka ingo.

Ibi kandi biba ku musore iyo amaze kwimenyaho ko Atari umuhanga, ko Atari mwiza, atagaragara neza, nta myitwarire myiza afite cyangwa nanone adafite imitungo ye bwite nk’uko ubu bushakashatsi bwabigaragaje. Gusa nubwo ubu bushakashatsi bugaragaza ibi nk’uruhande rubi, bunerekana ko hari ababikora nk’amahitamo yabo bwite yo kutajya mu rukundo no kubaka ingo.

Hari n’izindi mpamvu kandi abasore bafata bene iyi myanzuro nko kuba bafite ibikomere bituruka mu bwana cyangwa se barababajwe n’abo bigeze gukundana nabo nk’uko ikinyamakuru Psychology today cyabyanditseho.