Iyo hagendewe ku iyobokamana ndetse n’ubumenyi bwa Bibiliya, bavuga ko ikiremwamuntu cyaremwe, aho Imana yafashe ibumba iremamo umugabo n’umugore yakuye mu rubavu rwe, nuko abantu batangira kororoka uko. Icyakora ku rundi ruhande, inkomoko y’abantu izwi kandi nka Hominine, ni ingingo yakozweho ubushakashatsi bwimbitse n’abahanga, abahanga mubya antropropologiste n’aba paleontologiste.

Mu gihe imyumvire y’abantu y’ubwihindurize (Evolution) igenda ikura uko ibintu bishya bivumbuwe, ubwumvikanye bugezweho kuri iyi ngingo bushingiye ku butunzi bw’ibisigazwa by’ibinyabuzima (Fossils) na jenetike (Genetic). Dore incamake yoroheje y’inkomoko y’abantu hagendewe ku byakusanyijwe na ChatGPT ku bushakashatsi bwakoze butandukanye buvuga nyirizina ahantu ikiremwamuntu cyaba cyaraturutse kuva mu ntangiriro yacyo kugera mu buzima turimo muri iyi minsi nk’abantu bagezweho:

ABAKURAMBERE BASANZWE: Ubushakashatsi bwagaragaje ko ikiremwamuntu gikomoka mu matsinda ya Primate izwi nka Hominide cyangwa inguge nini. Bukomeza buvuga ko abavandimwe ba hafi b’ikiremwamuntu ari inkende za chimpanzees na bonobos. Bikekwa ko hashize imyaka miliyoni 6 kugera kuri miliyoni 8 abantu na chimpanzees na bonobos basangiye abakurambere.

AUSTRALOPITHECINES: Ubushakashatsi buvuga ko hashize imyaka miliyoni 4 kugeza kuri miliyoni 2 iheruka ibisekuru bya Hominin bitandukanijwe n’iby’abasekuruza basanzwe hamwe n’ inkende za chimpanzees. Abanyamuryango ba mbere b’uyu murongo bazwi nka australopithecines. Izi zari primate ebyiri, bivuze ko bagenderaga ku maguru abiri ari cyo gisobanuro kiranga Hominin nyine.

HOMO GENUS: Ubwoko bwa Homo, burimo abantu b’iki gihe (Homo sapiens) bwagaragaye kuva ku myaka miliyoni 2 kugera kuri 2.5. ubwoko butandukanye bwa Homo yo ha mbere, nka Homo Habilis na Homo Electus, byateje imbere ibikoresho by’amabuye bigenda byiyongera kandi bihuza n’ibidukikije bitandukanye.

KWAGUKA NO KWIHINDAGURIKA: Nyuma y’igihe, amoko atandukanye ya Homo yagiye ahinduka. Homo sapiens yaje kugaragara muri Afurika hashize imyaka 200,000 kugeza kuri 300,000. Homo sapiens ni ubwoko abantu bose ba kijyambere barimo.

HANZE YA AFURIKA: Igitekerezo cya ‘Hanze ya Afurika’ kigaragaza ko abantu ba Kijyambere inkomoko ya mbere yabo ari muri Afurika, kandi bimukira mu bindi bice by’isi buhoro buhoro. Iyimuka ryatangiye hashize imyaka 70,000 kugeza ku 100,000 buganisha ku bukoroni bwa Aziya, Uburayi, Amerika n’utundi turere.

GUHUZA (interbleeding): muri uko kwimuka rero, habayeho no guhuza amoko atandukanye ya Hominin. Urugero abantu ba none basangiye ibintu bimwe na bimwe bya genetike na Neanderthals na Denisovans, andi matsinda abiri ya Hominin yabanaga n’abakurambere bacu.

ITERAMBERE RY’UMUCO N’IKORANABUHANGA: Kimwe mu bintu by’ingenzi bitandukanya Homo sapiens n’ubushobozi bwacu bwo gukora no gukoresha ibikoresho bigoye, ururimi, ubuhanzi n’umuco. Iterambere ryagize uruhare runini ku kiremwamuntu mu gutsinda nk’ubwoko.

Reka nkwibutse ko kumenya no gusobanukirwa inkomoko y’ikiremwamuntu nk’uko tubivuze haruguru Atari ukuri 100% kuko haracyakorwa ubushakashatsi no kunononsora ubumenyi bw’ikiremwamuntu bw’inkomoko. Byongeye kandi igihe nyacyo n’umubare w’inkomoko wa Hominin ni ingingo mpaka za siyansi n’ubushakashatsi.